Umqeqeshi wodumo kwelesondlo

Johannesburg - Lowo owayengumqeqeshi weMpumalanga Black Aces, uJacob Sakala, usolwa ngokuphika ingane iminyaka engu-17 yonke.

Manje, uLizzy Kekana,17, othi uzalwa nguJacob, usefuna amnakekele aphinde amkhokhele nezindleko zokufunda.

Uthi uJacob wayethandana nomama wakhe, uShirley Kekana, waseMokopane eLimpopo, ngesikhathi esaqeqesha iReal Rovers.

UShirley nomfowabo, uCollins Kekana, bathi uJacob uhlala ethembisa izinto kodwa agcine engazifezekisi.

Funda nalolu daba: Uthi usethole umaqondana owahlukanisa nosaziwayo

UCollins uthe: “Wamamukela uLizzy kodwa akazange amondle. Njalo uma ehlangana naye emgwaqeni umthembisa izulu nomhlaba kodwa bese eyanyamalala.”

Ngesikhathi iSundaySun  ixhumana noJacob ukuze ezophawula, uthe akamazi uLizzy nomama wakhe.

“Ayikho ingane engiyaziyo mina eMokopane. Angikaze ngihlangane naye noma umama wayo. Ngeke ngondle ingane engingayazi,” usho kanje.

UCollins uthi abanankinga ngokuhlolela ulibofuzo uma kuyilokho akufunayo uJacobs ngoba ingane ifana naye ngqo.