Johannesburg - Ungumrepha osematheni kulezi zinsuku njengoba esanda kukhipha i-albhamu yakhe esihloko sithi Tsholofelo, nokuyiyo edlisile nekuthiwa ayihlali emashalofini ezitolo.
UCassper Nyovest kuthiwa inhliziyo yakhe isasele emuva kumlingisikazi wakhe uBoity .
Ngokusho kwalo mbiko, lo mculi waseMafikeng, noseke wathandana noBoitumelo Thulo ngaphambili, kuthiwa umfuna phansi phezulu.
Lo mrepha uthi kwake kwaba nzima esanda kuhlakana nalo sukasambe wentokazi njengoba ethi kwakungangeni ngisho ukudla.
Nokho uthi uyayibonga le ntokazi ngokuhlezi imeseka njalo.
UCassper uthi ngesikhathi behlukana kwakunguyena osephutheni kodwa manje sebengabangani abakhulu.
“Ngimushayela ucingo noma yinini uma ngifuna. Konke kuhamba kahle phakathi kwethu," kusho umbiko wephephabhuku iDrum.
UBoity osohlelweni iStrictly Come Dancing ku-SABC 3 naku-Etv ohlelweni iReality Check, umatasa kakhulu njengoba engakaze aithole isikhathi sokuphawula ngemizwa yale nsizwa okucacayo ukuthi isazifela ngaye.
- “Like” ikhasi lethu kuFacebook ukuze uthole izindaba ngolimi lwakho