Johannesburg – Umculi weHip Hop wodumo lweqembu iSkwatta Kamp u-Infadzile usekuqinisile ukuthi akaselona ilungu laleli qembu elisanda kuba sematheni ngokushona kukaFlabba.
Besekunesikhathi lubonakala uqhekeko phakathi kwalo mculi ogama lakhe langempale nguSechaba Kgaala naleli qembu njengoba engabonakalanga ngesikhathi leli qembu liqopha uhlelo lweChannelo O iStripped Down.
Uqhekeko luphinde lwacaca bha ngesikhathi kunenkonzo yesikhumbuzo kaNkululeko Flabba Habedi oshone emasontweni amabili adlule.