Lesi sihlabani, siphinde sibe ngumlingisikazi kanye nobuso beMotions Haircare.
NgoLwesibili uchithe ubusuku bakhe besibili esibhedlela ngemuva kokutholakala ukuthi une-chest infection.
Udokotela wakhe umyalele ukuba athathe ama-antibiotics wabe esemgcina esibhedlela ngenhloso yokubheka ukuthi ukhona yini umehluko.
Isikhulumi sakhe, uPumza Nohashe, utshele iDaily Sun ukuthi: “UMinnie ubephethwe wumkhuhlane amasonto amathathu kodwa ngenxa yomsebenzi wakhe ubengasitholi isikhathi sokuphumula. Ube esethola i-chest infection.”
UMinnie uzokwelashwa kuze kube udokotela uyagculiseka ukuthi usengcono.
Abangani nezihlobo bamthumelela izimbali bamfisela ukuba asheshe alulame.
NgoLwesithathu eskuseni ufake isithombe sakhe enomama wakhe enkundleni yokwabelana ngezithombe i-Instagram, ethi umama wakhe umnakekela kahle.
UMinnie uthandana nonozinti weKaizer Chiefs u-Itumeleng Khune.
- “Like” ikhasi lethu kuFacebook ukuze uthole izindaba ngolimi lwakho