Usethathile umculi kamasikandi

Durban – Kuzomele ziwachithe amanzi ibalekile inkukhu kwizintokazi ebezisazibhekile kumdlali womphebezo obuye abe ngumculi kamaskandi uLucas Sithole ngemuva kokuba ebophe ifindo likasofasilahlane.

USithole ohamba ngesihlalo esinamasondo ubophe ifindo likasofasilahlane nesithandwa sakhe uNontobeko Ngobese emcimbini wekhethelo obusoSizweni eNewcastle KwaZulu Natal.

UNontobeko uyindodakazi kaTholakale Ngobese oyilungu leqembu ikamasikandi Izingane Zoma.

Ngesikhathi ethintwa ngabeDaily Sun uLucas uthe:

“Bengingasakwazi ukulilinda lolu suku. UNontobeko usehlale name iminyaka emine kanti ungubambo lwami.

OLUNYE UDABA:Izingane Zoma zize neseka uZuma

Ngiyakuqonda ukuthi ukusha yigxathu elikhulu kanti kubalulekile ukuthi uma ukhula wakhe umndeni,” esho.

UNontobeko naye uzwakalise injabulo yakhe enanela ngokuthi uLucas umngani wakhe.

“Ngiyamthanda futhi uyangijabulisa,” esho.

UTholakele uhalalisele indodakazi yakhe nomyeni wayo.

“Anginawo amazwi, ngibafisela konke okuhle,” esho. ULucas noNontobeko banendodana enezinyanga ezinhlanu ubudala ogama layo nguThabiso.  

    - “Like” ikhasi lethu kuFacebook ukuze uthole izindaba ngolimi lwakho

       - Landela IzindabaNews24 kuTwitter