Johannesburg - Umlingisi wakumabonakude ophinde abonakale kumafilimu akuleli uRapulana Seiphemo oshadile futhi odlala indawo kaTau kuGenerations: The Legacy usehlazweni futhi - lokujola nomfundi oneminyaka engu-26 ubudala.
Lo mfundi owenza ezeMarketing Management uyaziphika lezi zindaba eziphuma kwiphephabhuku iDrum yakamuva.
USRapulana usolwa ngokujola noZoe van der Jeke kanti kuzwakale ukuthi sebeke bachitha isikhathi ndawonye e-Ikhala College, e-Aliwal North, e-Eastern Cape ngemuva kokuhlanga enxanxathela yezitolo, kubika leli phephabhku.
Ngokusho kwabangani bakaZoe, uZoe ubengawuvali umoya ngolo mlingisi ebathumelela nezithombe bendawonye nalo mlingisi oneminyaka engu-47 ubudala.
OLUNYE UDABA:Konakele emndenini kaBlack Coffee
Yize kunjalo uZoe utshele leliphephandaba ukuthi akathandani noRapulana bangabangani kuphela.
Akusikho okokuqala ebandakanyeka ezinsolweni zokujola uRapulana.
URapulana oshade no-Olga Rubeiro okusolwa ukuthi useke washaya kanzima umakhwapheni emzini wabo oseHoneydew ngonyaka wango-2013.
Ngesikhathi abeDrum benegxoxo noRapulana, uRapulana ukuvumile ukuthi useke waphinga kodwa wakuphika ukuthi bayadivosa nomkakhe.
Thola udaba oluphelele kuDrum...
- “Like” ikhasi lethu kuFacebook ukuze uthole izindaba ngolimi lwakho