Usovalweni unina womsakazi ngemuva kokugqekezelwa

Johannesburg – Uhlalele ovalweni unina wesilomo somsakazi weMetro FM uThabo “Tbo Touch” Molefe kulandela ukungenelwa yizigebengu zeba impahla ngoLwesihlanu kusihlwa.

Ngokubika kweSunday Sun sekungokwesibili kugasela izigebengu kubo kwalo msakazi ePimville eSoweto  njengoba nangonyaka owedlule ngo-Okthoba kwenzeka esifanayo.

Echaza ngokwenzekile uBubbly Molefe utshele leli phephandaba ukuthi useyasaba ukuhlala emzini wakhe ngemuva kwalesi sigameko.

Uthe usola abafana ababhema isidakamizwa inyaope ngalesi senzo.

“Ngesikhathi ngivuka ngibone umaka wezinyawo ngaqala ngasola ukuthi kukhona okushaya amanzi.

OLUNYE UDABA: UTeko Modise ufuna kuvalwe uhlelo lukamabonakude

Uma ngiqala ngithole ukuthi kunezimpahla ezingekho okubalwa kuzo ukhaphethi wohlobo lwePersian, laptop, ama-CD nama-iPads,” echaza.

Uqhube wathi ngosuku olufanayo baphinde bathola ukuthi kuneminye futhi endaweni nayo egqekezelwe.

ISunday Sun ithole ukuthi impahla eyebile kubo kalo msakazi ingabiza u-R120 000.

“Izimpahla ezebiwe kubalwa nempahla yasendlini ebibekwe egaraji engabiza u-R70 000.

Ngiyabonga ngoba imoto abayithathanga,” esho. 

Uthe abalivulanga icala ngoba sekungokwesibili kwenzeka lesi sigameko kanti ngesikhathi belivulile ngonyaka owedlule akwenzekanga lutho.

      - “Like” ikhasi lethu kuFacebook ukuze uthole izindaba ngolimi lwakho

         - Landela IzindabaNews24 kuTwitter