Publications
Partners
Los Angeles - Abashadikazi uKim Kardashian noKanye West sebeqashe ingane efana ncamashi nendodakazi yabo, ngenhloso yokudidisa ondaba abazobe bezama ukuyithwebula izithombe.
Onontandakubukwa laba bathi benza lokhu ngenhloso yokuvikela indodakazi yabo uNorth West, baqashe ingane ezokhokhelwa u-$500 000.
Abazali bathi sebekhathele ukuvika abezindaba abazama ukuthwebula indodakazi yabo enonyaka nenyanga ubudala.
Umthombo ongathandanga ukudalulwa igama, utshela abaphephabhuku iBritain's Grazia wathi: "UKim noKanye sebeqashe umuntu ukuze abheke uNorth amuvikele kwabezindaba. Kube nenhlolokhono la kutholakale khona ingane efana ncamashi noNorth, ekuzodidiswa ngayo abezindaba.
Kuqashwe nomzanyana ocishe afane noKim.
UNorth akasiyo ingane yosaziwayo yokuqala ukuba itholelwe "iwele", ngonyaka ophelile uSuri Cruise oyindodakazi kaTom Cruise nowayengunkosikazi wakhe uKatie Holmes, naye watholelwa ingane efana naye ngenhloso yokudidisa ondaba.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter
