23 Nov 2015

Baphika eyokuthandana abadlala kuZalo

Durban – Bangaba yinkukhu nempaka emdlalweni kamabonakude uZalo, kepha kuthiwa ngasese uThandeka Dawn King, 38, noBongani Dlamini, 37, bayathandana.

UKing, odlala indawo kaMaNgcobo noBongani onguMkhonto kulo mdlalo, kuthiwa sebebonakale kaningi bendawonye emicimbini futhi kucacile ukuthi bayathandana.

Iphephandaba iSunday Sun lithi lababona laba beqabulana ngemuva kweJeep Wrangler endaweni yokupaka izimoto ngaphambi kweMetro FM Boat Cruise, ngoMgqibelo owedlule.

OLUNYE UDABA: Uzalo luchitha amahlebezi okuphuma kukaGxabhashe

Abangani balezi zihlabani kuthiwa bashiye abantu abaningi bebambe ongezansi kulo mkhakha ngalesi senzo sabo.

“Kweminye imicimbi bafika nabantu abasebenza nabo, bese beyaxebuka kubo bahlale bodwa basondelane, bahleke begqolozelane emehlweni.

“KumaCrown Gospel Music Awards ngesonto eledlule benza okufanayo. UMkhonto ubelokhu esezithendeni zikaMaNgcobo uma eya endlini encane,” kusho umthombo.

Omunye umthombo uthe iyanyanyisa le nto abayenzayo ngoba uKing ushadile.

Bethintwa laba baziphebezile lezi zinsolo.

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()