Johannesburg - Sekuqubuke amahlebezi athi iqembu lomculo eselizakhele udumo kuleli, iMi Casa, liyahlukana kulandela ukungenami kwamanye amalungu alo.
Imithombo esondelene naleli qembu ithi amanye amalungu amabili aleli qembu awajabule ngempatho kaJoao “J’Something” da Fonseca.
Omunye umthombo uthe ukuxabana sekuholele ekutheni amanye amalungu eqembu anandise kweminye imicimbi ngokuhlukana.
OLUNYE UDABA: I-Mi Casa kowokugcotshwa kuka-Obama
NgoLwesihlanu, iMi Casa ibimenywe kuJozi FM, kepha kwafika uDr Duda noMo T kuphela.
“Kanti naseJeanet Inn, eSoweto, ngomhlaka-23 kwedlule leli qembu kwakumele linandise - kepha kwafika uDuda kuphela," kuqhuba umthombo.
Kuthiwa uJ’Something uzenzela umathanda eqenjini ngoba enamasheya kulo.
Imenenja yeMi Casa, uCollin Mokgaotsi, uthe: "Ayikho into enjalo, iqembu alihlukani."