Okunye okudalulwe wuKelly Khumalo emsakazweni

Johannesburg - Umculi wakuleli Ukelly Khumalo akukho oluhle angakusho ngoJub Jub.

Lo mculi udalule lokhu emsakazweni iMetro FM ohlelweni lwasekuseni iFresh Breakfast ngoLwesihlanu ekuseni, lapho aphinde asivulela khona isifuba odabeni lokulahlekelwa nguSenzo Meyiwa.

UKelly ubekhuluma ngokuthi engathanda ukuxoxela izingane zakhe ngobaba bazo, yize kunjalo, uma kuza kuJub Jub, kubukeka sengathi kuwudaba oluthanda ukuba nzinyana.

OLUNYE UDABA:Uthi akakapholi uKelly Khumalo ngolukaSenzo Meyiwa

UKelly nomrepha uJub Jub, ophume ejele ekuqaleni kwalo nyaka, banendodana bobabili , ogama layo nguChristain.

UJub Jub nayesolwa naye uThemba Tshabalala batholwa necala ngo-2012 ngemuva kokushayisa izingane zesikole.

Kusolwa ukuthi babebheme izidakamizwa ngesikhathi sengozi, eyabulala inqwaba yeizngane zesikole.

"Umtshela kanjani umuntu oneminyaka engu-7 ubudala ukuthi ngadlula kuphi noyise? Ngoba ngifisa ukuveza isithombe esihle ngaye kodwa asikho," usho njalo ohlelweni.

Uchaze nokuthi akafuni ukuncisha indodana yakhe ubudlelwane nobaba wayo.

"Ngifuna ukuthi mase ekhule ngokwenele azithathele yena isinqumo sokuthi uyaba nomna akabi nabo ubudlelwano nobaba wakhe. Kodwa okwamanje, kuwumsebenzi wami ukuyivikela indodana yami kuloya muntu. Angazi ukuthi ungubani manje, futhi angifisi nokwazi ukuthi usengubani manje, kodwa kulokhu engikwaziyo ngaye, ngifisa ukuyivikela indodana yami kuye."

Lo mculi ukucacisile ukuthi ubudlelwane yinto engeke yenzeke manje.

"Okwamanje, ngiwuvalile umnyango. Indoda engiyaziyo ayikufanele ukukhulisa indodana yami...angisho ukuthi ngingumuntu omsulwa noma ongcwelegcwele, ngikude kabi nalokho, kodwa ngizama konke okusemandleni ukukhulisa umfana wami abeyindoda eqotho."

- INSTAGRAM

7 years ago, on this very day I gave birth to this handsome mastermind, I pray to raise him to be the best man he can possible be, a man of kindness and a big heart, a man who loves and respects people of kinds, a man who fears and loves God, a man who embraces who he is and where he comes from but mostly a man who sees nothing but beauty in a woman. Son Grow up and be a Powerful Man of God let the world see Christ In you. Ungakhohlwa imvelaphi yakho. Happy Birthday #ChristianKhwezi?? #MornigStar??

A post shared by Kelly Khumalo (@kellykhumaloza) on May 12, 2017 at 12:09am PDT

  - ZAlebs