Johannesburg – Akabanga nonyaka omuhle ngo-2015 uZukiswa Vutela, odume ngelikaZookey Zarling, kulandela imibiko engemihle ngaye obekubhalwa ngayo emaphepheni.
UZookey waxoshwa kuGagasi FM ngonyaka odlule, kanti manje kubikwa ukuthi usethole umsebenzi esiteshini esikwi-internet, i-Africa Business Radio.
Kuphele izinyanga eziningi ngonyaka odlule igama likaZookey lingapheli emaphepheni kulandela ukuthi asola umlingisi uKay Sibiya ngokumkhulelisa nokungayondli ingane yabo.
UZookey waphinde wasola uSibiya ngokuthi wamyalela ukuba akhiphe isisu.
OLUNYE UDABA: Umndeni ka-Ayanda woZalo uthi usukhathele ukuthukwa uZookey
Naye uSibiya waziphendulela wathi ufuna ubufakazi bokuthi ingane ngeyakhe, ngokuthi uZookey enze ulibofuzo, kepha wanqaba.
Kuzona zonke lezo zinxushunxushu, iGagasi FM yamemezela ukuthi inkontileka kaZookey nesiteshi isidatshuliwe.
Ekhuluma neSowetan, uZookey uthe: “Ngijabule kakhulu ngokuthola leli thuba. Ngizimisele kakhulu ngezinselelo eziza nalo msebenzi.”
UZookey kulindeleke ukuba abuyele emoyeni ngenyanga ezayo.