Cape Town - Imvamisa uma abantu bebhikisha kuvamise ukuthi kwande izigameko sokushiswa kwezitolo zabantu bokufika nokunye ukuhlukumeza okubhekiswe ngakubo.
Kamuva i-ANC iphakamise ukuthi zincishiswe noma ziqedwe izitolo zabo emalokishini.
Abafundi babeka izimvo zabo ngokusho kweqembu.
USimphiwe Mazeka uthe:
Yebo kuzofane impela zincishiswe, abasizi ngalutho vele.UThemba Ngwenya uthe:
Aziqedwe abanikeli ngalutho emalokishini. UZamancwane Khoza uthe:
Mina angiboni kuyisu elihle lelo, nabo bazama impilo futhi bathengisa kahle kunabantu balana eNingizimu Afrika.UMpume Mnyamazane uthe:
Ngiyabazwela
ngoba baphila ngazo kodwa ngakolunye uhlangothi bakha
imali ngezinto ezingakwazi ukuhalala isikhathi, yonke into yabo ingumbombayi.UMakoa Buthelezi uthe:
Sikhala
ngamathuba emsebenzi, uma sithi siyazama ngezitolo siphucwa ngabezizwe.
Kungani bengathengisi ngakubo, uma behlupheka thina siyabusa yini?UKwanele Mbatha uthe:
Kungangcono
ziqedwe ngoba bathengisa izinto ezingalungile, izimpahla zabo uma
uziqhathanisa nezinye izimpahla kunomehluko omkhulu.
Kumele baxoshwe nama-woonga nokunye okungakulngile abafika nakho.UCollins Khathi uthe:
Mazivalwe nje kuthuthukiswe izakhamuzi zalapha eNingizimu Afrika.
UPercy Ngidi uthe:
Azingancishiswa
aziqedwe...ngabona eBotswana kudlala iBafana Bafana khona, umdlali ngaphambi kokuthi angene kuhlolwa imvume yakhe.
Ngabona ukuthi amazwe abo ayawuqinisa
umthetho wokungena nokuphuma kwabantu bangaphandle kodwa ku leli abantu bayazenzela, benza nobugebengu, uma bengabenzanga bona ubugebengu bazodayisa izidakamizwa ezizodala ukuthi intshontshe.
Ngithi mina akungene umuntu ngemvume
owaziwayo ukuthi uzokwenzani.
UWiseman Manana uthe:
Abavumelana
nalokhu angeke ngize ngibabeke icala ngoba vele iningi lethu sigcwele inzondo embi kwamanye abantu base-Afrika, kwathina
sisodwa asizwani kahle siphinde sicwasane ngokobuhlanga.
UBonga Phungula uthe:
Kumele bahambe babuye ngendlela efanele.UThula Luthuli uthe:
Yinto
ekwakumele ngabe yagwenywa ekuqaleni ingaze ichume, mina ngithi abasizwe
bavalelwe lezitolo zabo ngoba bona ngokwabo ngeke bazivale bese
imiphakathi kube sengathi iyabahlukumeza.
Sebekhombisile
ukuthi bangamahlongandlebe, noma kwenzekani kubo bazoqhubeka bande
kakhulu kunakuqala, asifundeni emlandweni namaNdiya ayekwa buka izwe
lakwaZulu linjani namuhla yiwo.
Abagoduke.Siphiwe Khumalo uthe:
Okokuqala, laba bantu bokufika bakhokhela indawo yokusebenza kule mizi abaqashe kuyo, Okwesibili, inani lezinto abazithengisayo ikakhulukazi lokhu
kwansuku zonke njengobisi, amaqanda, ushukela, njalonjalo... kushibhile
ukwedlula lawa amanye amalunga omphakathi athengisayo nawo, okwesithathu laba bantu abanalo udlame futhi abazona izinswelaboya.
Balapha nje ngoba bezozama impilo, manje uma bexoshwa baxoshwa ngaliphi
bengone lutho?
Khona-ke sekuthiwa bayakhishwa, abakuleli bona bazosala nendlala ngoba bondliwa yibo lanba bantu bokufika.
Sengiphetha, i-ANC
ayiyeke lomqondo wayo omubi! Sebefuna ukubuyisa loluya dlame ebesesithi
seluphelile.
Laba bantu abonanga lutho, bathathe ini kabani?
Bayekeni
bakithi baziqhubele amabhizinisi ngoba abanye bethu baphila ngabo.
UJohn Sabela uthe:
Kungcono zivalwe ngoba badayisa nezidakamizwa kulezi zitolo, wake wasibonaphi isitolo esidayisa ama-chips kodwa singawi?UManqoba Zuma uthe:
Abahambe ngempela laba bantu, basiqedela izindawo zokwenza imali.
UDumisane Mtshangase uthe:
Angivumelani ne-ANC, abantu bokufika basidayisela ngamanani aphansi izinto.
UVegitable Buthelezi uthe:
Sebephelelwe izinto abangazenza, uma bexoshwa benzeni kubani?
Lento izoqalisa phansi udlame.
UMondli Ncanana uthe:
Mina
bengingenankinga nabo kodwa ngathi sebengena kakhulu, kumele bahambe
beyothuthukisa amazwe abo manje iningi lemali asebeyenzile.
UBongani Mkhaliphi uthe:
Mina
angisho ukuthi abashiselwe izitolo makubhikishwa, aziqedwe, yebo.
Njengoba kushiwo nje, ungabona sengathi bathengisa kahle wena, loku
okuthengiselwa emasitheleni kulungile na?
Abaculi bayakhala ngalama-CD namaDVD, omgunyathi nathi sesafunda kubo, ekugcineni
kuthiwa mabaphathwe kahle, emva kwaloko kuthiwe iNingizimu Afrika
inobugebengu kakhulu.
UPhilangenkosi Masondo uthe:
Abantu
bangaphandle aziqedwe izitolo zabo emalokshini lapho engihlala khona
eLimpopo bazitika ngezingane ezincane zemizi entulayo balala nazo
bazimithise maqede bazinike ukudla ziyopheka kudliwe emakhaya.
Laba bantu banonya kabi
omunye umama wakhanda isitolo esifana nesabo bafika basidiliza
ebusuku, mina ngisola nina bantu bakuleli nibakhulekele kakhulu abokufika.
UHalalisani Ndlanzi uthe:
Ngiyavumelana ne-ANC ekuqedweni kwezitolo zabo kuleli laseNingizimu Afrika.
Uma ungase ubheke ikakhulukazi la eNewcastle badayisa ama-DVD namaCD omkokotelo, kudayiswa nezinto zikagesi ezingaphasisiwe ngabakwa-SABS, bonke abahambe kuleli manje.
Disclaimer:
INews24 iqhakambisa ukukhuluma ngokukhululeka nokuzwakaliswa kwemibono
eyahlukene. Lokho kuchaza ukuthi imibono yababhali bezingosi eshicilelwe
kuNews24, akuyona imibono yeNews24.
– "Like" ikhasi lethu ku-Facebook uze ukwazi ukujoyina inkulumo
ngolimi lwakho.
– Landela IzindabaNews24 kuTwitter (@IzindabaNews24).
News24
