Ake silungise lo baba ekuthiwa u-Andre Lotter ngoba ngathi ungenwa ilenkolo kaSathane bese edunyelwa ikhanda.
Ebukhanseleni akangenanga ngoba emuhle kunabanye kodwa wakhethwa ngoba uKhongolose iyona kuphela inhlangano ekuthi uma ikhetha ibheke zonke izinhlanga kanye nokumeleleka kobulili.
Kwaba njalo nangesikhathi engana kwesobukhansela.
Uthe engena wafuna ukuba uSodolobha, samchazela ukuthi akuhambi kanjalo kwaKhongolose, wafuna ukuba ikhansela laseZululand samtshela ukuthi uyikhansela le Ward, wafuna ukungena kwisigungu esiphezulu kuMasipala waBaqulusi kwangalunga nakhona.
Wakhombisa ukudinwa wanyamalala isikhathi eside, umphakathi wase-ward 22 ubusungasapheli ehhovisi lakwa-ANC ufuna usizo, uma simbuza wathi ubeseholidini.
Ubuye lapho eseyisilwane ongasazi emphakathini ngale ndlela yokuthi waze wanqamulela umphakathi ipayipi elidlula epulazini lakwakhe. Uthe esuka wafuna ukuba nehhovisi lakhe nje yedwa elizoqashelwa yena edolobheni.
Yilokho-ke akubiza ngentuthuko eyenqabe noKhongolose, ukuba nehhovisi lakhe.
Wabe esejoyina iNkatha esingazi ukuthi waqhathwa yini nayo, kodwa kusobala nakhona ukuthi waxoshwa yizimfuno zakhe ezingapheli.
ULotter uzibona engcono kunamakhansela amanye.
Kumele simtshele ukuthi akekho ngcono kunomunye futhi asiqali ukuba nomlungu kade sasiba nabo.
Siyi-ANCYL eBaqulusini Region, siyayibongela i-NFP, mhlampe yona izomkhona kulezi zimfuno zakhe kodwa-ke nayo ayiyeke la manga athi usuke kwi-ANC weza kuyo.
ULotter usuke eNkatheni wabheka kwi-NFP, njengawowonke amalunga e-NFP asuka eNkatheni.
Uma enenkinga mhlampe ngesikushoyo siyintsha kaKhongolose, uyawazi amahhovisi kaKhongolose uzosithola khona. Akayeke ukuqamba amanga.
Ntokozo Nxumalo, uSihlalo we-ANCYL, kuMasipala waseBaqulusini.
Disclaimer:INews24 iqhakambisa ukukhuluma ngokukhululeka nokuzwakaliswa kwemibono eyahlukene. Lokho kuchaza ukuthi imibono yababhali bezingosi eshicilelwe kuNews24, akuyona imibono yeNews24.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.