Uma ufike emzini ezidayiswa kuwo, watshelwa ukuthi zimanzi, wawujika futhi nomdayisi angadinwa ngoba wayekuqonda ukuthi asithandeki isiqeda esimanzi.
Ziningi izinto ezenzeka emizimbeni yethu thina bantu besifazane esingazithandi nezingabukeki kahle.
Ezinye zalezi zinto kuba yiminyama, izinduna, ukukhuluphala kakhulu, ukuncipha kakhulu kanjalo namabele athambe ngokweqile.
Amabele athambe ngokwedlulele ngiwafanisa neziqeda ezimanzi, awajabulisi. Uma ucabangisisa isiqeda esimanzi, kuqabukela ubona umuntu ekhetha sona sikhona esiqinile.
Yize noma sasisithanda, sasingasilokothi uma sesithole ukuthi simanzi.
Ngiyafisa amantombazane akuqonde futhi anganyeli uma abasondelene nawo bengachazeki ngokuthamba kwamabele ngokweqile.
Le nhlekelele eyehlakalela abesifazane isingifundise ukwamukela umzimba wami unjengoba unjena ngiphinde ngiwuthande ngoba angazi ikusasa lingiphatheleni.
Ngikhule ngigconwa ngokuba namabele amakhulu, abantu besebenzisa amagama afana nomoto yobisi, insengwakazi, iClover namanye amaningi.
Abanye babeze bacele ukuwathinta befuna ukuzwa ukuthi awangempela yini...lokhu kwakwenziwa nayisifazane.
Kunesoka elathi: "Njengoba wafutha amabele nje, uyezwa yini ubumnandi uma ngikuthinta?"
Ekuqaleni kwakucasula kodwa sengafunda ukuthanda amabele ami enjengoba engaka.
Angeke sonke sibe nemali yokunciphisa noma yokuqinisa amabele, mhlampe ukhiye ikhona ukuthi samukele lokho esekuyikho siphinde sifunde isifundo sokuthi ikusasa alaziwa.
Abanamabele amancane ababesihleka, ngiyacabanga manje sebeyafisa engabe nabo babephiwe njengathi esifubeni.
Phela thina singancelisa, sikhule, sikhuluphale sinciphe kodwa lamaHumps ethu awayi ndawo.
Buka i-video, hleze iziyalo engizifakile zikusize.
Singaxhumana kuNtombizenele Mtshali noma kuzanelewakwamtshali@gmail.com
Disclaimer:INews24 iqhakambisa ukukhuluma ngokukhululeka nokuzwakaliswa kwemibono eyahlukene. Lokho kuchaza ukuthi imibono yababhali bezingosi eshicilelwe kuNews24, akuyona imibono yeNews24.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.