Cape Town - Iqembu i-ANC lizohoxisa icala lokudwetshwa kukaMengameli uJacob Zuma avezwe ubulili ngaphandle.
Umqondisi weGoodman Gallery uLiza Essers, uthi bafinyelele esivumelwaneni neqembu.
Abafundi basho abakufundile ngalomdwebo odonse amehlo omhlaba kwasuka ukukhuluma.
UThembinkosi Mtshali uthe:
Ngifunde ukuthi ubandlululo alukapheli futhi kusakude phambili.
UMnisi KaMvelase uthe: Kusabusa abelungu kuleli laseNingizimu Afrika, icala lihoxiswa ngoba lenziwe ngumlungu.
UNtlaka Ngwane uthe:
Abantu bakhombise ukuthi bazibheka kanjani ezinye izinhlanga.
Ukukhuluma ngokuthisizondana kanjani yisona siqalao sokuthi singcine sikhulume ngezinye izinto sakhe iNingizmu Afrika ekhululekile.
USimphiwe Ntombela uthe:
Abaholi ngoba bephuzulu sebezibona bemhlophe, ubandlululo aluphelile.
Luphele kubantu abamnyama kuphela amabhunu namanje ayasizonda, emazingerni aphansi sihlangabezana nezinkinga eziphinde zidalwe yiqembu elibusayo.
Baqale basishayela umthetho bethi singalithengi iphepha babuye bashintsha, ngiyacabanga uZuma unxeshezelwe ngemali.
UBuhle Mxinwa uthe:
Mina ngifunde ukuthi siphila ezweni lentando yeningi, wonke umntu unelungelo lokwenza
nanoma yini ayithandayo.
Uma kwenzeke iphutha kuyaxoxwa idlule, akekho umuntu ongenawo amaphutha.
Sonke kumele sifunde emaphutheni enzekayo.
UFortune Zuke uthe:
Ngifunde ukuthi nami ngingakwazi ukungahloniphi abantu abadala nabancane kungabi ndaba zalutho.
Umuntu ngingamehlisa isithunzi ngijike ngithi yillungelo lami lokuveza indlela engizizwa ngayo-freedom of expession.UThulas Masimul uthe:
Ngifundile
ukuthi ngize ngingalokothi ngivotele iqembu labamhlophe ngiphinde
ngikulwelwe ukuthi ngingumAfrika ngingadayisi ngabo ngoba ngikwazi
ukukhuluma ulimi lwabo ngazi angiyona inxenye yabo.
UNash Mtetwa uthe:
Alikho iqiniso emhlabeni.
UCollin Sandile Khathi uthe:
Ngifunde
ukuthi abanye abelungu basambukela phansi kangakanani umuntu onsundu
noma ngabe ukusiphi isikhundla futhi abazigqaji kangakanani ngokuba
ngabahlali baseNingizimu Afrika (Brett Murray, Liza Essers, Hafejee
nabanye).
Ngiphende ngafunda ukuthi abantu abampisholo bahlangene kangakanani futhi bayazisa
kanjani into ethunaza isithunzi sabo njengama Afrika.
Inhlangano i-ANC yiyo esaqhubeka nokulwela ubunye nokuhlonipheka komuntu omnyama
kuleli lizwe futhi yiyo ephethe.
UNtobeko Ngcobo uthe:
Kwesinye
isikhathi izinto esizenzayo njengabadwebi zisijabulisa singabe sisanaka
noma sesithunaza izithunzi zabanye.
Lokhu kudalwa ubudedengu
bokungahluzeki komqondo.
USelby Mthembu uthe:
Namanje ngisathukuthele ngalolu daba, lokhu kukhombisa ukuthi lusalude ukhalo kithi njengeNingizimu Afrika.
Ngibona ukuthi inhlangano i-TRC ayenzanga umsebenzi ophelele, sisanabantu abamhlophe abakholwa wukuthi bangenza nanoma yini egameni lamalungelo.ULethukuthula Dumakude uthe:
Ngifunde ukuthi kusekhona abangafuni ukuhlonipha abantu abamnyama
abasezikhundleni eziphezulu, nokuthi nobandlululo ngeke luphele
lapha eNingizmu Afrika.
Kungani engaqalanga ngomhlophe ukumveza ubuntu bakhe , kuyacaca nje ukuthi bayazenzisa abahlophe ukuthi sekwaxolelwana, ihlekisana ihlomile.
Thumela umbono wakho ku-isizulu@news24.com
Disclaimer: INews24
iqhakambisa ukukhuluma ngokukhululeka nokuzwakaliswa kwemibono eyahlukene.
Lokho kuchaza ukuthi imibono yababhali bezingosi eshicilelwe kuNews24, akuyona
imibono yeNews24.
– "Like" ikhasi lethu ku-Facebook uze ukwazi ukujoyina inkulumo
ngolimi lwakho.
– Landela IzindabaNews24 kuTwitter (@IzindabaNews24).
News24
