Cape Town - UJabulane
Cele waseMpangeni uzama ukuphikisa isinqumo sokuxoshwa kwakhe
emsebenzini kwaKentucky Fried Chicken, njengoba exoshelwe ukuphatha
umphako ekuthiwa awuhambisani nemigomo yesitolo.
UCele ubephethe uphuthu nobhontshisi.
Isitolo sisebenzisa kuphela izinto eziphasiswe ngokwaka-halaal, okuhlobene nenkolo yamaSulumane.
Udaba lukaCele luzosingathwa ngabakwa-CCMA.
Abafundi babeka imibono yabo:
UZitha Vino uthe:
Uyobe ubayekile uCele, yindaba kabani ukuthi udlani uma esemsebenzini!!!
UBongumusa Oupa Mkhungo uthe:
Yisitolo esidayisa ukudla okuphasiswe ngokuka-halaal, lokho akuksho ukuthi abasebenzi kumele nabo badle lezo zinto.
Ngokwemigome yakwa-KFC, awukho umgomo owengamele uhlobo lokudla okudliwa abasebenzi.
UNhlanhla Sibiya uthe:
Badlala ngoNdosi, kanti ubezokudayisa yini lokhu kudla, awudutshwe lo KFC.
UZwelinzima Mgoza Kunene uthe:
Kuyilungelo lanoma yimuphi umuntu ukuziphathela umphako ohambisana naye, kwakufanele enzenjani uJabulani uma engayidli into enesitembu sakwa-haalal?
ULindiwe Lucia Zuma uthe:
Impela baganga ngaye uCele, bebezothini ukube bathola inyama?
Bayahlukumeza abanye abaqashi.
UThubelihle Sangweni uthe:
Yanzima indaba kaNdosi, ngisekude ukuya kulo-KFC.
ULindani Brian Mboyisa uthe:
Okwethu okwezadla impela, saqale sasuswa uduze nolwandle savuma, kwathathwa imfuyo savuma, sayekiswa amasiko nemikhuba yesintu nesizulu uqobo emsebenzini savuma manje sekuwukudla futhi kuyacaca phela kothiwa asiguqe uma sibona abelungu futhi sovuma.
Cele ngihamba nawe nami ngoba mina uma ngingena emsebenzini ngiyakhuthuzwa futhi nami ngiyavuma ngothini impela.UKhulile TheRemnant Adam uthe:
Uma ukhona ngempela lowo mgomo udinga ukusukunyelwa ngoba awuqondene nabasenzi kuphela, kodwa ufaka nabathengi imbala.
UNathi Duophonic Mbokane uthe:
Abenyuse iholo ukuze ezokwazi ukuphatha ukudla okuzohambisana nemigomo yabo!
Kazi bakubone kanjani ukudla kwakhe?UMakhosi Masondo uthe:
Ngicabanga ukuthi kwakumele aziswe imithetho nemigomo yasemsebenzini uCele ngaphambi kokuthi aqale umsebenzi uma engahambisani nayo akwazi ukusho.UMthobisi Nzuzo Mntungwa uthe:
Abanalo ilungelo lokutshela umuntu ukuthi akadleni noma aphathe nhloboni yomphako.
Lokhu ukubukela phansi nokucindezela amalungelo, imvelaphi, nosiko lomuntu ngoba umuqashile, akuvumelekile ngaphansi kwe-Labour Relations Act okuyiyo elawula abasebenzi.
UThubelihle Uminami Ngobese uthe:
Akekho umuntu ohola umholo onelisayo ongaphatha uphuthu nobhontshisi emsebenzini, abakwa KFC abazinuke bona amakhwapha, umuntu uthenga okungangamandla akhe, impela akababophe uNdosi.Newboy Mancinza Zondi uthe:
Ukudla okungenawo uhalaal akungeni e-KFC kodwa uyakwazi ukukufihla, futhi kunendawo lapho ukudlelwa khona kucgine lapho.
Kungenzeka ngempela ukuthi uNdosi ulenzile iphutha ngokujwaleya emsebenzini kanti kuzofika amaholi wase ebasenkingeni.UBongane Ngubane uthe:
Badlala ngaye, uphuthu nobhontshisi ukudla okunempilo futhi kudliwa kakhulu ithina bantu ampisholo, siyakuthanda.UMzwandile Zikalala uthe:
Maye babo!! Safa saphela isizwe sabansundu, kumele siphathe ukudla okuvunywe ezinye izinkolo manje?UGoodman Simphiwe Mafuleka uthe:
U-KFC kuzomele wenze okuthile, isitolo sabo siphethwe umuntu ongalungile, ngeke uze ungikhethele ukuthi kemele ngidleni.
UNdosi kumele abahlawulise ngokumehlisa isithunzi sakhe, ubani lona obekelwe ukulunguza imiphako yabantu?
USwelihle Mdakane uthe:
Ngiyaqala ukuzwa into enjena, uma umuntu ephethe ukudla kwakhe kwenziwanjani, kuyavulwa kubukwe?
Imihlola phela le!UBuyile Mbanjwa uthe:
Kwanzima lokho, uma ngabe babemtshelile futhi kukhona umthetho onjalo kusho ukuthi unephutha.
UDennis Mabena uthe:
Umuntu udla lokho akubona kumfanele.
UPat Baba KaSisanda Zungu uthe:
Awu kwaze kwabuhlungu lokho okwehlele uCele.
Disclaimer:
INews24 iqhakambisa ukukhuluma ngokukhululeka nokuzwakaliswa kwemibono
eyahlukene. Lokho kuchaza ukuthi imibono yababhali bezingosi eshicilelwe
kuNews24, akuyona imibono yeNews24.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter
(@IzindabaNews24).
News24
