Cape Town - Abanye babahlaziyi bathi iSilo asibekanga amazwi aqinile mayelana nokuthi kuphele ukuhlaselwa kwabokufika, kunalokho sigxeke kakhulu abezindaba ngokusabalalisa okuthandwa yibona ngalolu daba.
Ngokwakho ukubona, ngabe iSilo samaBandla siwubhulile yini umlilo, ngeke kusabonakala ukuhlaselwa kwabokufika kusukela manje?
Baphawule kanje abafundi:
UNonjabulo Ladyfair uthe: Yebo siwubhulile. Abezindaba baphethwe ukuthi bangoqhathizwe. Abahambe bayofuna ezinye izindaba manje. Sesikhathele yibo belokhu bezama ukudala udweshu!!!
UPhakamani Gift Mngomezulu uthe: ISilo besingayile ukuyobhula umlilo ngoba asikaze siwushise vele. Isilo besiyocacisa ukuthi asikaze sithi akuhlaselwe abokufika. Abokufika into ezobasiza ukugoduka.
UNomuhle C Ncikazi uthe: Sikhulume kahle iSilo kodwa ngeke bezwe abanenzondo.
USiphephile Purity uthe: Siwubhulile ngoba phela kahle, kahle asikaze sithume muntu ukuthi akashaye abokufika noma singakhuluma size sikhihle amagwebu kuyafana. Uma bezoqhubeka nokuhlasela bazokwenza njalo, vele wenze kahle agxile kwabezindaba ngoba bayazihlanekezela, bejahe ibhizinisi ababoni noma sebexova izwe.
UJoseph Msomi uthe: ISilo sikhombisile ubuhlakani baso kanye neNkosi yakwaPhindangene Dr MG buthelezi ngokomthetho alusekho udlame kodwa uhulumeni wethu kumele azinuke amakhwapha ngabokufika ngokuba vumela ukuthi bangene kuleli benganazo izimvume befumbathisa amaphoyisa ukuze bekwazi ukungena kulelizwe kanti futhi noMnyango wezaseKhaya osemngceleni unomthelela kulento.
U-Andile Dlamini uthe: Yebo ngokwami sikhuzile iSilo, phela abantu abayi nganxenye bengemanzi bona labo bahlaziyi bebefuna sithini ngoba akukho okudlula lokhu kukhuza akwenzile. Okunye ngeke phela sibe naso isiqiniseko sokuthi ngeke besahlaselwa abantu ngoba kukhona abantu abawokhanda limtshela okwabo.
UZamanyambose Mthethwa uthe: Phela iSilo asikho ezinhliziweni nasezingqondweni zezigebengu kodwa sona siyibekile inkulumo yaso futhi angazi bekufanele sithini vele ngoba asizange nasekuqaleni sithi akushawe abantu.
Bheka ku-Facebook-Izindaba News24, ubone abanye batheni.
Disclaimer:INews24 iqhakambisa ukukhuluma ngokukhululeka nokuzwakaliswa kwemibono eyahlukene. Lokho kuchaza ukuthi imibono yababhali bezingosi eshicilelwe kuNews24, akuyona imibono yeNews24.
- “Like” ikhasi lethu kuFacebook ukuze uthole izindaba ngolimi lwakho