Into engidina tu, yindaba yalaba abazenza ngcono basitshele ukuthi abawasebenzisi amaTampon ngoba abuhlungu, baphinde babuswe wukuthi thina esiwasebenzisayo yingoba nakhu sesavuleka kakhulu.
Ngisho umuntu onengane uyakwazi ukusebenzisa iTampon, lo sayizi omncane kodwa ungawi, manje ingena kuphi eyokuvuleka kakhulu?
Anginayo inkinga nentombi nto ezothi ayiyisebenzisi iTampon, bandla vele loyo usuke engakajwayeli ukufakwa izinto.
Inkinga iqala ngesikhathi uzwa kukhuluma umama wengane noma umuntu onendoda futhi olalayo nayo, umuzwe ekutshela ukuthi uyayesaba iTampon.
Ngivele ngingaqondi noma usuke eqonde ukusitshela ukuthi indoda yakhe incane idlulwa wusayizi lo wokugcina weTampon, lona imvamisa oba ngangocikicane.
Ngokwami kuzona zonke izinsiza ezisetshenziswa uma owesifazane esendimeni, ngiphasisa iTampon ngoba ingena ngaphakathi esithweni, ungatholi nokuncane ukungcola emzimbeni.
Uma ufaka umbhubuzo, ukungcola okuphuma ngaphakathi kunamathela nawo emzimbeni, kanti iTampon iyamunca uyikhiphe ngoba isigcwele.
Abathi ibihlungu abaqale bafunde ukuyifaka ngendlela, uma beqhubeka nokuzwa ubuhlungu sobabona ngokuthi bayeke amadoda abalala nawo ngoba nawo phela angena khona la kungena khona iTampon.
Ngale kwalokho abasixolele, abangasijaji basikale ububanzi bethu ngokuthi sikwazi ukugcina amaTampon amahora......
Bheka le-video, bese ubhala umlayezo ngezansi kwayo.
Singaxhumana kuFacebook kuNtombizenele Mtshali, noma ku-zanele wakwamtshali@gmail.com
Disclaimer:INews24 iqhakambisa ukukhuluma ngokukhululeka nokuzwakaliswa kwemibono eyahlukene. Lokho kuchaza ukuthi imibono yababhali bezingosi eshicilelwe kuNews24, akuyona imibono yeNews24.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter (@IzindabaNews24).