Uhlelo lokunikezela ukudla ezikoleni KwaZulu Natal lowuhlelo olukhulu kakhulu. Kusetshenziswa imali elinganiselwa ku 1.3 billion wamarandi kunikezelwa ukudla kubafundi abalinganiselwa ezigidini ezimbili ezikoleni eziyizinkulungwane ezinhlanu.
Lolu wuhlelo olukhulu kakhulu futhi olubalulekile okufakwe kulo imali yabakhokhi bentela ukuba lungayekelwa ukuba lusingathwe isikhulu esisezingeni elephansi sezemfundo.
Umsebenzi omningi nokuphathwa kosukunokusu kwaloluhlelo kubiza ukuba kubenophiko oluhleleke kahle nolunezinsiza kusebenza ezanele, ikakhulukazi njengoba kungase kube nenkohlakalo engaholela ekulahlekeni kwezigidi zamarandi okumele anikeze ukudla ezinganeni ezimpofu kodwa ezingagcina sezingena kwamanye amaphakethe.
Ungqongqoshe omusha wezemfundo KwaZulu Natal uzamile kancane ukubhekana nenkinga yokusingatha loluhlelo ngokususa loluhlelo lapho belukhona emnyangweni walubeka ngaphansi komunye umunxa oyisipesheli obika ngqo kwiNhloko yomnyango kanye nakuye ungqongqoshe.
Lesi yisinyathelo siyisiqalo esihle – kodwa asanele neze.
Uhlelo lokunikeza ukudla ezikoleni kumele lusingathwe isikhungo nje esinye esizimele.
Kungeyikho nje kuphela ukuthi lokho kuyokwenza ukuba kubelula ukubhekelela ukusebenza kwaloluhlelo kanye nezinto okubhekeke ukuba ziphumeleliswe yiloluhlelo njengokudala amathuba emisebenzi nokudluliselwa kwamakhono kosomabhizinisi abancane abahlinzeka ngokupheka – kodwa ngoba ukucwaninga okulindeleke ku Mcwaningimabhu Jikelele uyokwazi ukubhekana nenkohlakalo nokumoswa kwemali yombuso ngendlela ekahle kunokuba kwenzeka njengamanje.
Ibhalwe nguTom Stokes, ilungu le-DA eKZN
Disclaimer:INews24 iqhakambisa ukukhuluma ngokukhululeka nokuzwakaliswa kwemibono eyahlukene. Lokho kuchaza ukuthi imibono yababhali bezingosi eshicilelwe kuNews24, akuyona imibono yeNews24.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter (@IzindabaNews24).