UDessie Ramnath ukholelwa ekutheni ibhange leli kumele limnxephezele ngobuhlungu adlule kubo ngenxa yokujola kukankosikazi wakhe emsebenzini.
Ijaji lisiphebezile lesi sicelo kanti ibhange lizishaye indiva izinsolo zikaRamnath.
Sibe sesibuza abafundi ukuthi gabe ngubani okumele asolwe uma izinto zinje, ngokwabo ukubona uRamnath bekumele alusingathe kanjani lolu daba.
Babeke kanje:
Hlengiwe Prudence - Umuntu kumele alungise ekhaya ngaphambi kokuphumela ngaphandle ngakho-ke uMnuz Ramnath akasole unkosikazi wakhe ngokujola hhayi ibhange.
Siyabonga Masiya - URamnath bekumele ahlukane nalo nkosikazi ngoba ukhombisa ukungathembeki, abayeke baqhubeke bobabili ngoba bamenza isilima yena akathathe okwakhe aqhubeke nempilo yakhe.
Sphiwe Sihle Mqadi - Ayikhohlwe indoda ngoba umfazi angajola noma ngabe ikuphi, mhlawumbe kade bejola uma besekhefini emsebenzini noma sebephumile hhayi ngesikhathi somsebenzi. Ibhange alingeni la.
Ncebakazi Nondayi - Kuyadabukisa okwale ndoda, kuzoshintsha yini ukuthi umfazi uyaqoma uma selimnxephezelile ibhange?
Mbukiso Skhumbuzo Malevu - Yena siyazwelana naye kodwa sengathi ungusomathuba kakhulu, umsebenzi wale ndoda ethandana nomkayo awuhlangene nokujolelwa kwakhe yena akalungise isimo noma ahlukane nomkamuntu kube kuphela ngoba akaseyena owakhe umuhlubukile.
Angakwenza ukumangalela umkakhe uma ikhona into enjalo kuphela. Kwasa leli cala nje liwumsangano iyipho yona lenkantolo ethetha amacala ahlanya kanje?
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter
Disclaimer: INews24 iqhakambisa ukukhuluma ngokukhululeka nokuzwakaliswa kwemibono eyahlukene. Lokho kuchaza ukuthi imibono yababhali bezingosi eshicilelwe kuNews24, akuyona imibono yeNews24.