Cape Town - Mhleli ngisacela usibhulele nangu umlilo udlanga bo ezindlini zomsakazo UKhozi FM.
Sezwa uhlelo lomculo wesintu sakithi selushayelwa abantu abangazi lutho ngesintu (BK), lokho kwangithusa kakhulu.
Into eyenziwa emsakazweni uKhozi FM ikhombisa ngokusobala ukuthi abanandaba nokuthi abalandeli bathini, badaza inkani ngaso sonke isikhathi.
Ngeke kwangithusa ngelinye ilanga sengizwa umsakazi onjengo Chilli M eseshayela uhlelo lukauMaskandi kulo msakazo oyisikhondlakhondla.
Kodwa-ke asidlule lapho, into engidina kakhulu nesingime emphinjeni yileyo eyenziwa abasakazi baMaskandi, uNgizwe “Zulu Chamer” Mchunu noBheka “BK” Mchunu, yokuthi bayeke umsebenzi abawuqashelwe okungukuqhakambisa abaculi bamaMaskandi.
Laba basakazi into abayenzayo nje ukuthi bazigqamise bona noma ngithi nje madumise isibongo sabo emsakazweni wesizwe.
Kungethusile ukuzwa ukuthi sekunebika elithi “Thina singama Chunu ini ini”. Pho uma bengamaChunu thina singenaphi lapho?
Lento abayenzayo ibasiza kuphi noma ngani nje ngempela abanye abaculi?
AmaSATMA asemnyango, mina ngithi ngeke ngimoshe ivoti lami ngivotele oNgizwe noBK, kunalokho ngingamane ngivotele umsakazi omusha onikwe owokuphatha uhlelo ‘iLavutha iBhayi’ kuMhlobo wenene FM, uGudla.
Mina ngicela uKhathide “Tshath'ugodo” Ngobe alubambe yedwa lolu hlelo.
Obhalile: Bhekisisa Sosibo.
Disclaimer:INews24 iqhakambisa ukukhuluma ngokukhululeka nokuzwakaliswa kwemibono eyahlukene. Lokho kuchaza ukuthi imibono yababhali bezingosi ezishicilelwe kuNews24, akuyona imibono yeNews24.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.