Publications
Partners
Cape Town - Uyafika endaweni ulethwe umsebenzi, ekusukeni kwakho ekhaya uyaliwe kaninginingi, utshelwa ukuthi uziphathe kahle ukhulile mawu ngaka futhi uyayazi into ekususe ekhaya....awuyi ukuyoganga la uya khona.
Bakuyala nje, vele nawe ungumuntu owaziyo ukuthi ufunani ngekusasa lakho ungasabhekile elakho kuphela kodwa usunengane okufanele uyibhekelele.
Uyazazi ukuthi ungumuntu wesifazane onesimilo, ozithandayo, okholwayo, othandekayo nozaziyo ukuthi ufunani okwaziyo nokuhlukanisa phakathi kokulungile nokungalungile. Akugcini nje lapho, uphuma nasekhaya eliqotho.
Wathi usahlela ngohambo lwakho wahlangabezana nezigigaba eziningi kodwa ngoba uyayifuna le nto uzokwenza ngokusemandleni akho ukuya kule ndawo ufeze amaphupho akho, ukhule uthole ulwazi, ugcine nawe ukwazi nokuzimela njengoba phela uqala nokuphuma ngaphansi kwesandla sabazali.
Naso ke isiyalo esikhulu kunazo zonke...Ungaqomi!
Ungafike uqome, udlale abafana baseKapa...omunye uze wathi: "uma usuqomile ubongishayela ucingo ungazise uma sekonakele". Empeleni-ke ukuqoma yinto engeke yenzeke futhi ayikho nasezinhlelweni.
Siphikisane siqophisane wena owabona emjahweni wamahhashi kubhejiwe. Aqhubeke ongiyalayo athi angingaphiki kuphela angibhasobhe nje abafana, indlala nemizwa.
Mina ngokwami angikayiboni into ezongenza ngiqome, isizungu kwasona asikangivuseli imizwa engenza ngifune indoda.
IKapa lona lihle linobukhazikhazi obedlula nobeGoli kodwa nginesimilo nonemembeza futhi angikaze ngikwenze okubheke eceleni - nginobaba wengane engimthandayo nengazi yena qwaba.
Uma kwake kwenzeka walahla, ngingajabula ukuzwa ukuthi kuqala kanjani. Yini le esuke isinzima kakhulu usuhluleka ukulinda ubekezelele umuntu omshiye ekhaya la usuka khona.
Asixhumane kuFacebook noma ku-fikile.ndaba@24.com
Disclaimer:INews24 iqhakambisa ukukhuluma ngokukhululeka nokuzwakaliswa kwemibono eyahlukene. Lokho kuchaza ukuthi imibono yababhali bezingosi eshicilelwe kuNews24, akuyona imibono yeNews24.
- “Like” ikhasi lethu kuFacebook ukuze uthole izindaba ngolimi lwakho
