Ngithi angiphawule ngendlela yokweshela, uma ufuna ukuqonywa intombi kuyasiza yini ukukhuluma ngesinye isesheli kuyo?
Ngabe yiyona ndlela yini ukuthi usuzohlala njalo ulandela esinye isesheli ukuze ubone ukuthi senzani, yikhona uzogijima uyotshela intombi ukuthi usibanibani usenze ukuthi?
Uyazuza yini ngalokho?
Mina ngikholwa ukuthi isoka lizibekela okuyizethembiso zalo, hhayi ukugqamisa ezinye izesheli. Lokhu sikubona nakubaholi bezembusazwe.
Mhlawumpe ukubhecana kukhombisa indlela esingakakhuli ngayo kwezepolitiki, ukuthi umuntu ma efuna ukuvotelwa ahlale ebheka ukuthi yini azoyikhuluma ngomunye.
Akekho onohlaka lwakhe oluqondile lokuthi yena yini ayiphathele abavoti. Bonke babheke ukuthi ubani wenzani bese bekhankasa ngalokho.
Kusisizaphi thina ukuthi uhlale ulandela abanye ngemuva, kodwa kube kungekho oziphathele wena khona ozokwenza ma ungase uvotelwe?
Sesingaze sithi lokho kufakazela isisho esithi imoto ehambayo yiyona ekhonkothwayo, emile aziyinaki.
Disclaimer:INews24 iqhakambisa ukukhuluma ngokukhululeka nokuzwakaliswa kwemibono eyahlukene. Lokho kuchaza ukuthi imibono yababhali bezingosi eshicilelwe kuNews24, akuyona imibono yeNews24.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.