Engikwaziyo ukuthi ukungabi nendoda kwakhe akulona iphutha lakhe, ubuvaka balolu hlobo lwamadoda asabakhona, agcwele inkwantshu olimini, izishimane ovukuvale. Amadoda asaba amantombazane ancamela ukulala ewo-okapu kunokuthi ashele.
Kuba nzima kakhulu ezintokazini ezifana noZarling, lezi ezinakho konke ngoba okuwumkhapheyana kuvele kubone sengathi kuzoguga iphakethe kanti cha akuhlale kunjalo, kokunye kuyenzeka kube ukuthi owesifazane uzifunela uthando nje qha.
Ngiyamzwela uZarling njengoba ubusika buqale baze baphelela kuye.
Ngale kokuthi uZookey uphaphile, akasiso isidomu futhi uyathandeka aphinde abe muhle. UyiPackage ephelele wena owabona amaBraai Pack...uqukethe zonke izicubu ezifuneka emfazini.
Angimfiseli uZookey ukuthi atholwe wumkhufakhufa ozozenyeza. Indoda emfanele kumele kube yisoka (umuntu othandeka engakavuli nomlomo, ozithemba engashongo lutho), kuphinde kube umuntu ongakhweleki ekhanda.
Empeleni ufanele uhlobo lukaMbongeni Ngema, uhlobo oluyiciko futhi elikwaziyo ukuthambisa umuntu wesimame. UMadlokovu ubeyolunga kodwa cha bandla iminyaka isidlale ngaye kakhulu sekolunga bona oMroza hhayi uZarling wethu.
UMom Cool unohlobo lwamadoda amfanele. Okwamanje bathathu kuphela engingakujabulela ukuthi babe uBab'Cool noma Daddy Cool wethu.
- USibongiseni Shabalala weShabalala Rhythm
Uma uhlanganisa uZarling noSibongiseni kungaphuma iCool Cat, uSibongiseni uphaphe angazosa, bafana ncamashi noZarling. Okuhle ngabo ukuthi banekhono emsebenzini wabo, banalokhu esikubiza nge touch of gold.
USibongiseni unesi-morden esihlangene nesintu. Angakwazi ukunika uZarling izulu elincane aphinde amenze umfazi ohloniphekile. Uma kuwukuthi usethathile uMshengu, ayikho nalapho inkinga.
UZookey angangena khaxa esithenjini ahlale anethezeke...singabantu siyazi kahle indaba yesithembu.
Singabantu ngempela nabelungu bayazi.
- USthembiso Shangase umzukulwana kaMvula.
UNdaleka unesizotha nobuhlakani, uphekekile wavuthwa. Uyazazi ukuthi uyindoda.
Yize enakho ukuba nekhanjana eliqine sengathi usimende, uZookey angamehlisa leli khanda layo, amthambise tobo agcine ewutamatisi uma sebebobabili. Kukhona konke lokhu uyindoda umfokaShuku.
Ekulandeleni kwami uSthe, ngimthola egcwele ukuzethemba futhi konke akwenzayo unezizathu zakho, izinqumo azithathayo uyazicabangisisa. Akaxhamazeli futhi akahlomeki. Ngimbona engaba yindoda efanele ukukwazi ukwehlisa kancane ukuphapha kukaZarling.
Angazi noma ngithi ngebhadi noma ngenhlanhla kodwa uma kwenzeka betholisana abantwana, kophuma ingane ewuSbongiseni Shangase umfowabo kaSthembiso. Abantu bakwaShangase bawuhlobo oluStrong, makhulu amathuba okuthi ingane ithathe kakhulu koNdaleka.
- Mampintsha
Kula madoda engiwabale ngenhla, angisho ukuthi ikhona engajabulela ukuthandana noZookey idlule uMampintsha. Ngisho lokhu ngoba sonke siyazi uMampintsha vele akanamuntu. Siyamkhumbula uma wakhe emkhulumela emaphepheni emzamela. UMampintsha uyawasaba amantombazane kwala noma ingane isizicelela kuye imbhalela incwadi - Ifunde lana, Dear Mampintsha.
Njengoba ubhutiza nje kucacile ukuthi isimame akasijwayele, uma engathola uZookey akungabazeki ukuthi angathokoza amhloniphe futhi azigqaje ngaye. Mhlampe angaze abhale iculo ebonga abaphansi.
UMampintsha akanayo nengane so angeke afike neDrama yo Baby mama. UZookey akazame naye sengimkhulumele kwenela, kodwa uma ecabangela umuntu kube kulana engibabalile. Ngimthanda enoyedwa wabo.
Asixhumane kuFacebook, Izindaba Mamgobhozi
Disclaimer:INews24 iqhakambisa ukukhuluma ngokukhululeka nokuzwakaliswa kwemibono eyahlukene. Lokho kuchaza ukuthi imibono yababhali bezingosi eshicilelwe kuNews24, akuyona imibono yeNews24.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.