Publications
Partners
Cape Town - Owesifazane kanye nomuntu omnyama ovotela iDemocratic Alliance, akahlukile nenkukhu engavotela iNandos.
Omunye umuntu angakuzwa njengenhlamba echapha abantu besifazane kanye nabamnyama abazibandakanya ne-DA lokhu kanti cha, akuyona neze.
Uma umuntu ezovotela iqembu elithize kuhle ayibhekisise imigomo yalo ukuthi iyahambisana yini nalokhu abakukhulumayo.
Iqembu le-DA alikholelwa ekutheni abantu besifazane banikezwe izikhundla ngokulinganayo nabesilisa ezinkampanini kanjalo nakuhulumeni kanti lokhu sikubonile ngesikhathi bengahambisani nokuphasiswa komthetho ophoqa ukuthi kube nabesifazane abayi-50% ekuthathweni kwezinqumo kuhulumeni kanjalo nasezinkampanini ezizimele.
Lo mthetho uphinde uveze ukuthi izinkampani eziyohluleka ukusebenzisa lolu hlelo zizohlawuliswa imali engango-10% wenzuzo yazo yonyaka okanye isigwebo sokubhadla ejele.
Uma iqembu le-DA lichitha lo mthetho, likhombisa ngokusobala ukuthi lisafuna ukuqhuba njengesikhathi sobandlululo lapho sasibona abesilisa kuphela ezikhundleni eziphezulu kanti futhi kuyibona abengamele umnotho wezwe.
OwayenguMengameli kuleli uDkt. Nelson Mandela wake washo wathi imigomo ye-DA iyafana neye-National Party (okuyiqembu elalibusa ngesikhathi sobandlululo).
Siyakubona futhi lokhu kwiKhabhinethi yaseWestern Cape, lapho kukhona abesilisa abayi-99% kanye no-1% womuntu wesifazane okungumholi we-DA uHelen Zille.
Kuwukubacwasa-ke lokho nokubabukela phansi abantu besifazane ngoba kukhombisa ngokusobala ukuthi umsebenzi wabo kumele kube ukulandela ngemuva kwabesilisa njengoba kwakwenzeka nangesikhathi sobandlululo.
I-DA iphinde yathusa abaningi ngisho namalunga ayo angabantu abamnyama ngesikhath ichitha i-BBBEE kanye ne-Employment Equity Bill.
Ngokombiko weKhomishana ye-Employement Equity ethulwe nguNgqongqoshe wezemiSebenzi uMildred Oliphant, bayi-20% kuphela abantu abamnyama abasezikhundleni eziphezulu kuleli.
Ingakho uhulumeni waqala lolu hlelo (Employment Equity) ngoba ufuna ukuqeda ubandlululo kanye nokucwasa ngokwebala ezindaweni sokusebenzela.
Lo mbiko uphinde uveze ukuthi eWestern Cape bayi-62% abesilisa abamhlophe abasezikhundleni eziphezulu zokuphatha, bese kuba u-12.7% wabesifazane abamhlophe abasezikhundleni zokuphatha.
Uma ubheka indlela i-DA ephikisa ngayo imithetho ezama ukuthuthukisa abamnyama ukuthi nabo babe sezikhundleni eziphezulu kungenza ngimvumele uMadiba uma ethi i-DA ayihlukile neze neqembu elalibusa kuhulumeni wobandlululo.
Iqembu le-DA ngisho lingabadukisa abantu abamnyama kuleli, kodwa iqiniso lithi alinayo imigomo eqondene nokubathuthukisa njengoba babencishwe amathuba ngaphambilini.
Uma ungabheka abantu elibakhethe ukuba baye ePhalamende, ungabona ukuthi kuwukubachapha ngenhlamba abantu abamnyama kuleli qembu ngoba basetshenziswa ekuthuthukiseni abamhlophe kanye nasekuvikeni umnotho osasezandleni eziyingcosana.
Uma kunomuntu omnyama osaqhubela nokweseka leli qembu ngingasho ngithi akahlukile nenkukhu engavotela iNandos ngoba kungaphinde kusetshenziswe yona ekwenzeni inzuzo.
* Ungaxhumana noSboniso Zungu ku-sbo1992@gmail.com
Omunye umuntu angakuzwa njengenhlamba echapha abantu besifazane kanye nabamnyama abazibandakanya ne-DA lokhu kanti cha, akuyona neze.
Uma umuntu ezovotela iqembu elithize kuhle ayibhekisise imigomo yalo ukuthi iyahambisana yini nalokhu abakukhulumayo.
Iqembu le-DA alikholelwa ekutheni abantu besifazane banikezwe izikhundla ngokulinganayo nabesilisa ezinkampanini kanjalo nakuhulumeni kanti lokhu sikubonile ngesikhathi bengahambisani nokuphasiswa komthetho ophoqa ukuthi kube nabesifazane abayi-50% ekuthathweni kwezinqumo kuhulumeni kanjalo nasezinkampanini ezizimele.
Lo mthetho uphinde uveze ukuthi izinkampani eziyohluleka ukusebenzisa lolu hlelo zizohlawuliswa imali engango-10% wenzuzo yazo yonyaka okanye isigwebo sokubhadla ejele.
Uma iqembu le-DA lichitha lo mthetho, likhombisa ngokusobala ukuthi lisafuna ukuqhuba njengesikhathi sobandlululo lapho sasibona abesilisa kuphela ezikhundleni eziphezulu kanti futhi kuyibona abengamele umnotho wezwe.
OwayenguMengameli kuleli uDkt. Nelson Mandela wake washo wathi imigomo ye-DA iyafana neye-National Party (okuyiqembu elalibusa ngesikhathi sobandlululo).
Siyakubona futhi lokhu kwiKhabhinethi yaseWestern Cape, lapho kukhona abesilisa abayi-99% kanye no-1% womuntu wesifazane okungumholi we-DA uHelen Zille.
Kuwukubacwasa-ke lokho nokubabukela phansi abantu besifazane ngoba kukhombisa ngokusobala ukuthi umsebenzi wabo kumele kube ukulandela ngemuva kwabesilisa njengoba kwakwenzeka nangesikhathi sobandlululo.
I-DA iphinde yathusa abaningi ngisho namalunga ayo angabantu abamnyama ngesikhath ichitha i-BBBEE kanye ne-Employment Equity Bill.
Ngokombiko weKhomishana ye-Employement Equity ethulwe nguNgqongqoshe wezemiSebenzi uMildred Oliphant, bayi-20% kuphela abantu abamnyama abasezikhundleni eziphezulu kuleli.
Ingakho uhulumeni waqala lolu hlelo (Employment Equity) ngoba ufuna ukuqeda ubandlululo kanye nokucwasa ngokwebala ezindaweni sokusebenzela.
Lo mbiko uphinde uveze ukuthi eWestern Cape bayi-62% abesilisa abamhlophe abasezikhundleni eziphezulu zokuphatha, bese kuba u-12.7% wabesifazane abamhlophe abasezikhundleni zokuphatha.
Uma ubheka indlela i-DA ephikisa ngayo imithetho ezama ukuthuthukisa abamnyama ukuthi nabo babe sezikhundleni eziphezulu kungenza ngimvumele uMadiba uma ethi i-DA ayihlukile neze neqembu elalibusa kuhulumeni wobandlululo.
Iqembu le-DA ngisho lingabadukisa abantu abamnyama kuleli, kodwa iqiniso lithi alinayo imigomo eqondene nokubathuthukisa njengoba babencishwe amathuba ngaphambilini.
Uma ungabheka abantu elibakhethe ukuba baye ePhalamende, ungabona ukuthi kuwukubachapha ngenhlamba abantu abamnyama kuleli qembu ngoba basetshenziswa ekuthuthukiseni abamhlophe kanye nasekuvikeni umnotho osasezandleni eziyingcosana.
Uma kunomuntu omnyama osaqhubela nokweseka leli qembu ngingasho ngithi akahlukile nenkukhu engavotela iNandos ngoba kungaphinde kusetshenziswe yona ekwenzeni inzuzo.
* Ungaxhumana noSboniso Zungu ku-sbo1992@gmail.com
Disclaimer:INews24 iqhakambisa ukukhuluma ngokukhululeka nokuzwakaliswa kwemibono eyahlukene. Lokho kuchaza ukuthi imibono yababhali bezingosi eshicilelwe kuNews24, akuyona imibono yeNews24.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter (@IzindabaNews24).
