Le ndoda yaseMidrand kuthiwa ima noqwembe olubhalwe ukuthi: “Ngicela nitshele umama wengane yami ukuba ayeke ukunginqabela ukuthi ngisondelane nengane yami. Zonke izingane ziyabadinga obaba”.
Lo baba, 30, uthi usabone ingane yakhe kanye vo kulo nyaka.
Ingane le inezinyanga ezingu-11 ubudala kanti izithandani zahlukana ngoNovemba, kanti ingane uyayondla.
Sibuze abafundi bethu nansi imibuzo:
Ngokubona kwakho ngabe yini le exabanisa abantu uma sebenengane, kungabe kusafana njengoba bekade besathandana ingekho?
Yini engaba yisixazululo kulabo abalwa izimpi zabo ngezingane?
Nazi izimpendulo:
Zinhle Velile - Okungenzeka ukuthi akuyona eyakhe lo bhuti ,asikho isidingo sokwenqabela ubaba wengane ukuthi ayibone noma ngabe senehlukana igazi lakhe naye. Ingane ayingene noma ngabe nixabene kangakanani ungamshayi umuntu ngengane ngoba uyayithanda eyakhe.
Asante Sana KaSobhuza Dlamini - Sinenkinga efanayo nale nsizwa kodwa yona ingcono isike yayibona kanye mina angiyazi ngigcina ngokuyibona ezithombeni angithumelela wona umama wayo noma ngikhulume nayo ocingweni. Ingane ineminyaka emibili ubudala.
Thandeka Tdk Ncube - Akuyona ingane yale ndoda, intombazane ayitshele ubaba wengane iqiniso ayeke ukudlala ngomunye. Kungani ivume imali yendoda uma ingafuni ibone ingane?
Disclaimer: INews24 iqhakambisa ukukhuluma ngokukhululeka nokuzwakaliswa kwemibono eyahlukene. Lokho kuchaza ukuthi imibono yababhali bezingosi eshicilelwe kuNews24, akuyona imibono yeNews24.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter