Johannesburg – Amaphoyisa nehhovisi likaMengameli abathi vu mayelana nokuthi ngabe ukhomishana wamaphoyisa kazwelonke uRiah Phiyega usembhalele yini uMengameli uJacob Zuma incwadi yokuthi kungani kungamele axoshwe.
Okhulumela amaphoyisa kuzwelonke, uBrigadier Vishnu Naidoo, imibuzo uyidlulisele ehhovisi likamengameli.
Okhulumela elikamengameli, uBongani Majola, wathi akubuzwe amaphoyisa.
Funda nalolu daba: Ushelele wangena phansi kwebhasi
Ngesikhathi etshelwa ukuthi atheni amaphoyisa, uMajola uthe usemgwaqeni, ngeke akwazi ukusiza.
Ikhomishana kaFarlam embikweni wayo yathi kumele kuphenywe ukuthi uPhiyega uyawazi yini umsebenzi wakhe.
UMengameli uJacob Zuma wamcela ukuba achaze ukuthi kungani kumele agcinwe esikhindleni sakhe.