Cape Town – Abafundi abahlanu besikhungo semfundo ephakeme basolwa ngokuthela ngesibhaxu owesifazane oneminyaka engu-52 ubudala waseCape Town ngokusho kwabezindaba.
Kubikwa ukuthi bavulelwe icala laba bafundi ngokuhlukumeza uDeila Adonis endaweni yokupaka izimoto enkundleni yezemidlalo eClaremont eCape Town ngenyanga eyedlule lapho ebesebenza khona ukuhlanza le nkundla ngokubika kwephephandaba iThe Star.
Ngokombiko u-Adonis wazakhela isigcwagcwa ngokusiza owesilisa owayeshaywa yilaba bafundi. Kuthiwa bambuza ukuthi umsizeleni ngokumbizela usizo ngemuva kokuba bemshayile.
OLUNYE UDABA: Isimanga abafundi bethenga umuthi wentando
“Bangibuza ukuthi ukuthi ngimsizeleni,” kuchaza u-Adonis.
Kubikwa ukuthi oyedwa walaba bafundi wamkhahlela wawa phansi u-Adonis ngesikhathi esephansi babe sebemhlanganyela beshintshana ngaye bemkhahlela yonke indawo emzimbeni.
Okhulumela amaphoyisa uFrederik van Wyk utshele leli phephandaba ukuthi amaphoyisa aphenya icala lokushaya.
- “Like” ikhasi lethu kuFacebook ukuze uthole izindaba ngolimi lwakho