Uphiko oluvikela izilwane zasemakhaya olungaphansi kweNational Council of Societies for the Prevention of Cruelty to Animals (NSPCA) lusanda kuhlola lezi zinkomo ngemuva kokwanda kwezikhalazo.
Umhloli omkhulu uNavesh Singh uzwakalise ukuthi amadlelo awasemahle, nokho wathi izinkomo ziyanikezwa ukudla yize kungenele.
OLUNYE UDABA: Omba amathuna ubonakale kwaMandela eQunu
I-NSPCA iphakamise ukuthi lezi zinkomo ziphungulwe ukuze zinakekeleke kahle.
USingh uthe umndeni wakwaMandela usebenzisana kahle kakhulu nabo.
Ngo-Agasti, iphephandaba iSunday Times labika ukuthi uhulumeni wase-Eastern Cape waqasha odokotela bezilwane waphinde wahlinzeka lezi zinkomo ezingu-96 ngokudla.
Owomndeni uMandla Mandela kuthiwa wavuma ukuthi banenkinga ngezinkomo wathi umndeni uphezu kwemizamo ethize.
- “Like”
ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter