Abesifazane bazwakalise ilaka labo ngokumasha nqunu

Tzaneen - Iqulu labesifazane selimashele esiteshini samaphoyisa iLetsitele ,eTzaneen, eLimpopo ngoLwesihlanu liveze imizimba likhala ngokuthi lifuna kukhululwe amalungu omphakathi ayishumi aboshiwe ngecala lokushisa, kubike iSABC ngoLwesihlanu.

Ngokusho kweSABC la malungu asolwa ngokushisa umuzi wenduna yendawo abayisola ngokuthi iyathinteka ekufeni kowesifazane endaweni.

Kuthiwa lona wesifazane utholakale eshile ehlathini eliseduze ngenyanga edlule.

Okhulumela amaphoyisa uMoatshe Ngoepe usongele ukubabopha laba besifazane abebengagqokile ngokuphelele.

“Ngaphambi kokuthi abantu bangene emgwaqeni bamashe kumele bathole imvume kuqala. Akekho umuntu ovumeleke ukumasha engagqokile ngoba lokho kuyicala,”

“Sizoqinisekisa ukuthi labo ababoshiwe babhekana nengalo yomthetho ngokugcwele. Bazovela ngoMsombuluko phambi kweNkantolo yeMantshi  ngamacala okudala uthuthuva emphakathini, elokushisa nokungaziphathi kahle. Sisaqhubeka nophenyo,” kusho uNgoepe.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.