Johannesburg - Amaphoyisa aseGauteng asaqhubeka nokuthungatha owesifazane, 21, waseVlakfontein, eningizimu neGoli, nokukholakala ukuthi wathunjwa ngesonto eledlule.
"Ubengakatholwa njengoba sisaqhubeka nokumthungatha,” kusho uWarrant Officer Kay Makhubela.
Lo wesifazane kuthiwa wathunjwa ngoLwesihlanu.
"Wahamba kubo ekuseni ethi uyofesa," kusho uMakhubela.
"Ngabo-17:45, ugogo walo wesifazane wathola umyalezo kuWhatsApp othi kumele alethe u-R30 000 engakapheli amahora angu-24 uma kungenjalo ngeke aphinde ambone umzukulu wakhe."
Lo myalezo wawusho nokuthi le mali kumele ishiywe kuphi, ugogo wabe esebikela amaphoyisa.
"Amaphoyisa athola indawo okwakukhona kuyo abaduni kepha afika itshe selome inhlama," kusho uMakhubela.
Ubengakatholwa ngoMsombuluko ekuseni, kusho uMakhubela, nothi amaphoyisa aphenya icala lokuthumba.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter