Johannesburg - Amaphoyisa ayaphika ukuthi kuboshwe abathile abasolwa ngesehlakalo sokubulawa kukanozinti weBafana bafana uSenzo Meyiwa.
Imibiko ithe kunothile oboshwe ngasemngceleni ongenela eZimbabwe iBeit Bridge.
Funda nalolu daba: Kungamanga okushiwo ngoKelly Khumalo - AbakwaMeyiwa
"Ayisilo iqiniso imibiko ethi kunomuntu oboshwe ngasemngceleni iBeit Bridge," kusho uBrigadier Neville Malila oqinisekise ukuthi bekungakaboshwa muntu okwamanje.
"Uphenyo luyaqhubeka," kusho uMalila.
Abezindaba zeCity Press babike ukuthi kuboshwe umsolwa ngasemngceleni iBeit Bridge, okungumngcele ohlanganisa iZimbabwe neLimpopo
– "Like" ikhasi lethu ku-Facebook uze ukwazi ukujoyina inkulumo ngolimi lwakho.