"Umkhandlu usubeke eceleni u-R2.5 million ngenhloso yokulwisana nenkinga yamagundane ahlasele e-Alexandra, nokuyimali i-IFP ebona kungangcono ukuthi isetshenziswe ekutheni abantu bakhelwe izindlu," kusho okhulumela iNkatha Freedom Party uPetros Sithole.
"Inkinga yamagundane iyoxazululwa ukwakhiwa kwezindlu ezifanele ukuhlala abantu. Le nto eyenziwayo njengamanje ingukumosha imali nje qha.
OLUNYE UDABA: Usana ludliwe amagundane lwaze lwashona
"Uhulumeni uhudula izinyawo ekuletheleni abantu abahlala emijondolo intuthuko. Sicela i-SA Local Government Association ukuba ingenelele iphinde iyale omasipala ukuthi babhekane kanjani nale nkinga,” esho.
Umkhandlu uveze ukuthi uzosebenzisa izikhova njengengxenye yokulwisana namagundane.
Lolu hlelo lubala umuthi wokubulala amagundane nokusebenzisa onoxhaka.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter