Amabandla adumele ngokuziphatha kukaZuma ePhalamende

Cape Town –  Iyadumaza indlela uMengameli Jacob Zuma aphendule ngayo ePhalamende ngemuva kwenkulumo mpikiswano yesabelomali yehhovisi lakhe, ngokusho kweSouth African Council of Churches.

“Indlela umengameli aziphathe ngayo ePhalamende kuleli sonto iyadumaza futhi imehlisa isithunzi njengoMengameli wezwe,” kusho le nhlangano yamabandlakwisitatimende ngoLwesihlanu.

ISACC izwakalise ukudumala ngendlela uZuma aphendule ngayo Lwesithathu lapho egxeke khona amaqembu aphikisayo ngokugxila odabeni lomuzi wakhe waseNkandla okwasetshenziswa izigidi uthuthukiswa.

OLUNYE UDABA: Ivideo: Ilungu lePhalamende libuka ucansi kwiselula

Le nhlangano iphinde yadlulisa okunye ukukhathazeka ngombiko kaNgqongqoshe wamaPhoyisa uNkosinathi Nhleko oveze ukuthi ayikho imali ezokhokhwa uZuma ngokuthuthukiswa kwezokuphepha komuzi wakhe. 

“Kuyasikhathaza ukuba yisahluleki kukamengameli nongqongqoshe bakhe ukwamukela okulungile nokungalungile,” kusho umengameli weSACC uZipho Siwa kwisitatimende.

“Ukubona ongqongqoshe bevikela into esobala necacile kwehlisa isithunzi nokuthembeka kubaholi bethu bezwe.”

        - “Like” ikhasi lethu kuFacebook ukuze uthole izindaba ngolimi lwakho

          - Landela IzindabaNews24 kuTwitter