Amaphoyisa aphenya udlame lwasehostela eMlazi

Durban - Amaphoyisa aseThekwini aphenya ngokuhlaselwa kwabantu okuqhubekayo ehostela yaseGlebelands eMlazi.

Ngokombiko wezindaba ze-SABC bangu-14 abantu asebebulewe kuleli hostela kulezi zinyanga ezine ezedlule.

NgoLwesibili uSihlalo webhuloho ehostela nomngani wakhe baphunyuke ngembobo yenaliti ekufeni ngesikhathi behlaselwa.

Kusolakala ukuthi lokhu kuhlasela kuhambisana nokwabelana ngezindlu kuleli hostela.

Kuthiwa abahlaseli basola lo Sihlalo ngokudayisa izindlu zaleli hostela kubantu abangaziwa.  

Inhlangano ebhekelela abahlali basemahostela ebizwa ngokuthi Ubunye Bamahostela ithe akuvumelekile ukudayiswa kwezindlu emahostela.

“Labo abadayisa ngezindlu emahostela kumele baboshwe kunokuthi badutshulwe noma bavotelwe ukuthi bakhishwe,” kusho uMthembeni Thusi okhulumela le nhlangano.  

Okhulumela amaphoyisa uCaptain Thulani Zwane uthe sebandise isibalo samaphoyisa azoqapha isimo ubusuku nemini kule ndawo. “Bakhona futhi esesibabophile ngokubulawa kwabantu kuyona le ndawo,” kusho uZwane.   

   - “Like” ikhasi lethu kuFacebook ukuze uthole izindaba ngolimi lwakho

       - Landela IzindabaNews24 kuTwitter