Johannesburg - UNgqongqoshe wamaPhoyisa uNathi Nhleko akakaqali ukubheka udaba luka Mengameli uJacob Zuma lokuthi kumele akhokhe ingxenye yemali eyasetshenziswa ngesikhathi kulungiswa umuzi wakhe oseNkandla, kubike iphephandaba iBeeld ngoLwesithathu.
UNhleko utshele leli phephandaba ngoLwesibili ukuthi angeke alubheke loludaba lungaka lungiswa olwasePhalamende.
"Umbiko kamengameli usasezandleni zephalamende, ngakho-ke kumele lulungiswe khona," usho kanje.
"Ngokwemibandela yamaphoyisa ngizophenya ngodaba lwaseNkandla uma iPhalamende seliqedile."
Embikweni kaMvikeli woMphakathi, uThuli Madonsela, wadalula ukuthi umengameli kufanele akhokhe yonke imali engahlangene nokuqiniswa kwezokuphepha.
Eziphendulela, uZuma wakucacisa ukuthi uNhleko kusafanele enze isinqumo sokuthi kufanele yini ayikhokhe le mali.
Iphalamende kumanje lihlanganisa ikomidi lamaqembu ephalamende elizobhekana nempendulo kaZuma nodaba lomuzi oseNkandla.
- “Like” ikhasi lethu kuFacebook ukuze uthole izindaba ngolimi lwakho