Aphikisayo agxeke ukudutshulwa kukaMthembu

Johannesburg - Amaqembu aphikisayo asekugxekile ukudutshukwa kwelungu lePhalamende eqenjini le-ANC, uJackson Mthembu.

UMvelase udutshulwe esehlakalweni sokubamba inkunzi esenzeke eMpumalanga ngempelasonto.

IDemocratic Alliance izwakalise ukushaqeka ngalesi sehlakalo.

"Lesi yisenzo sokuphelelwa ngonombeza kubantu. Siyasigxeka kakhulu lesi sehlakalo," kusho uSotswebhu we-DA uJohn Steenhuisen, ethi kumele amaphoyisa alusukumela udaba.

Funda nalolu daba: I-ANC ikhuza abafaka ipolitiki kolukaMthembu

INational Freedom Party ithe kuyathusa ukwenza kwezinselaboya.

"Udlame luyakhula kakhulu kuleli, wonke umuntu angaphenduka isisulu," kusho umholi we-NFP uZanele kaMagwaza-Msibi.

Amaqembu afisele uMthembu ukwelulama okuphuthumayo. 

UMthembu udutshulwe ekhipha imali kwi-ATM, kuMandela Street, ngeSonto.

Udubuleke esihlathini ngenhlanhla wakwazi ukuzishayelela waye esibhedlela.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).