Johannesburg -Iqembu i-African National Congress esifundazweni iKwaZulu-Natal alihambisani nesiphakamiso sokuthi izimayini zifakwe ngaphansi kukahulumeni, kusho UNobhala weqembu esifundazweni uSihle Zikalala.
"Sikholwa wukuthi lolu hlelo luzodinga imali eningi luphinde ludale ukungazinzi komnotho wezwe," kusho uZikalala.
UZikalala uveze lokhu ekhuluma nabezindaba emhlanganweni weqembu wezinsuku ezimbili.
"Umbiko ucacile, ukufakwa kwezimayini ngaphansi kukahulumeni akuhambisani noMthethosisekelo, kungadla uhulumeni imali elinganisela ku-R1 trillion," kuchaza uZikalala.
"Lokho kuyodala izingqinamba ezinkulu emnothweni wezwe, angeke siseseke leso siphakamiso."
– "Like" ikhasi lethu ku-Facebook uze ukwazi ukujoyina inkulumo
ngolimi lwakho.
– Landela IzindabaNews24 kuTwitter (@IzindabaNews24).
