Ayikho i-fire pool eQunu - Umzukulu kaMandela

Johannesburg – Umzukulu kaNelson Mandela omdala uNdileka Mandela usephawule ngokunengeka ngemuva kokuba uNgqongqoshe wamaPhoyisa uNkosinathi Nhleko edalule ukuthi umuzi kaMandela osaQunu une-fire pool.

Ngokubika kweSowetanlive uNdileka ucashunwe yiMail and Guardian ethi ayikho i-fire pool emzini kamkhulu wakhe oseQunu e-Eastern Cape futhi iswimming pool ekhona kulo muzi ayikhokhelwanga uhulumeni. 

“Iswimming pool eyakhiwa ngemali kamkhulu wami (Mandela).

Ngehlobo izingani bezivamise ukubhukuda kuyona.

OLUNYE UDABA: Ingane ebihamba ngebhayisikili ibulawe yimoto

Akusetshenziswanga imali kahulumeni ukuthi yakhiwe,” kuchaza uNdileka ngeswimming pool eseQunu.

Ukusho lokhu ephendula uNgqongqoshe uNhleko emizamweni yakhe yokuvikela ukusetshenziswa kuka-R240million owachithwa kuthuthukiswa ezokuphepha emzini kaMengameli Jacob Zuma.

“Satshelwa ukuthi akukaze kube nezinkulumo mayelana ne-fire pool njengoba ikhona naseQunu,” kusho uNhleko etshela iSouth African National Editors Forum ngeSonto eledlule.

Le nkulumo icasule kakhulu umndeni kaMandela njengoba ukuchithile okushiwo uNhleko mayelana ne-fire pool.

      - “Like” ikhasi lethu kuFacebook ukuze uthole izindaba ngolimi lwakho

         - Landela IzindabaNews24 kuTwitter