Babuyela enkantolo ngelokushumpula ikhanda

Durban - Abantu abayisithupha abahlanganisa nenyanga nabafana abathathu abasebancane, bazovela ngaphambi kweNkantolo yesiFunda eThekwini, mayelana necala lokubulawa kowesifazane owashumpulwa ikhanda.

Abafana abasebancane ngokweminyaka, bagcinwe ejele lezingane eWestville.

USivonkaliso Mbili, 32, Vusumuzi Gumede, 30, nabo bagcinwe eWestville kuthi ummangalelwa wesithupha uFalakhe Khumalo, agcinwe ejele eChatsworth.

UKhumalo ususwe njengoba ebesiza amaphoyisa ekutholeni isikhali esasetshenziswa.

Isidumbu sikaDesiree Murugan, satholakala enkundleni yezemidlalo ngenyanga eyedlule, sabe sishumpulwe ikhanda.

Ngokusho kwabezindaba zeDaily News, zabika ukuthi yMurugan 39, onengane yomfana oneminyaka eyisithupha ubudala, wabe ethengisa ngomzimba edla nezidakamizwa.

Ekuveleni kokuqala kwabamangalelwa enkantolo, iqulu labantu abalinganiswelwa ku-70, babhikisha ngaphandle kwenkantolo, bememeza bethi: "Ababulali nabathakathi kumele bashiswe bephila".

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).