Johannesburg – Abafundi basendaweni yaseKuruman esifundazweni saseNorthern Cape babuyele esikoleni ngoMsombuluko ngemuva kwezinyanga kubhikishelwa udaba lomgwaqo omusha.
"Engikwaziyo ukuthi abafundi babuyele ezikoleni zabo," kusho okhulumela umnyango wezemfundo esifundazweni u-Ohentse Stander.
"NgeSonto kube nomhlangano nabazali kwathathwa isinqumo sokuthi abafundi babuyele ezikoleni."
OLUNYE UDABA: Kuqhubeke umbikisho eSoweto
Iqembu labantu elizibiza ngeRoad Forum laqala ukubhikisha ngoJuni lifuna ukuba kunwetshwe umgwaqo ingawo engamakhilomitha angu-130 emgwaqeni uJohn Taolo Gaetsewe ufakwe netiyela.
Ababhikishi bavimba abafundi nabasebenzi ukuba baye esikoleni ukuze banakwe yiziphathimandla.
Okhulumela ezemfundo uTroy Martens uthe kwaphazamiseka abangu - 16,000 ezikoleni ezingu-54 ezindaweni ezahlukene kanti abafundi abangu-496 bafunda umatikuletsheni.
Abafundi selokhu bagcina ngomhlaka 4 Juni ezikoleni.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter