Bafuna incazelo ngokuhlukaniswa kwabafundi ngokwebala

Pretoria - Isikole sasePitoli sisolwa ngokuhlukanisa abafundi ngokwebala labo , kubika i-Eye Witness News ngoLwesine.

Balinganiselwa kwabangu 30 abazali kulesi sikole okubikwa ukuthi basayine incwadi befuna isikole iCurro Roodeplaat Private School sibanike incazelo ngalokhu.

Encwadini yabo, abazali banxusa isikole ukuba senze izinto ngokulandela uMthethosisekelo wezwe.

Imenenja yesifunda eCurro Holdings u-André Pollard uyakuphika ukuthi isikole sihlukanisa abafundi baso ngokwebala labo.

Funda nalolu daba: 'Ngeke sitshelwe ukuthi sigqoke kanjani ePhalamende.'

"Akuyona inhloso yethu ukuhlukanisa nabamnyama, inkinga ukuthi lezi zingane zingabangani,” usho kanje.

Abazali kubikwa ukuthi bafuna ukwazi ukuthi kungani kwamanye amaklasi kukhona izingane zabantu abamnyama kuphela, kwamanye kukhona ezabelungu zodwa.

UPollard uthe isibalo sezingane zabantu abamhlophe sincane kakhulu kulesi sikole, ngakho-ke isikole sizama ukubagcina bendawonye.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).