Publications
Partners
Johannesburg - Izinyunyana zabasebenzi kanye nezinhlangano ezingekho ngaphansi kukahulumeni seziphakamise ukuthi omama banikezwe ikhefu lezinyanga ezingu-11 ngemuva kokubeletha, kusho umbiko wephephandaba iThe Times ngoLwesibili.
Lokhu kulandela inkomfa yakamuva nalapho izinyunyana nalezi zinhlangano ziphakamise khona ukushayisana kwemithetho nemigomo ebekiwe uma kuvunyelwana ngokuthile.
Okunye okuvelile ukuthi abesifazane bazizwa bejeziselwa ukuthola izingane, kubika iphephandaba.
USihlalo weCosatu Gender Forum uSharone Daniels ucashunwe ethi: "Kubukeka sengathi umthetho okhona njengamanje waphasiswa ngaphandle kokucabangela abesifazane ezindaweni zokusebenza.
"Kulo mthetho kwakulindelwe ukuthi abesifazane bakhulelwe bese beba yizigqila emakhaya. Kumele kushintshwe izinto ngenxa yokucabangela abesifazane.”
Abaningi kule nkomfa bathi izinyanga ezine ezinikezwa omama abasanda kubeletha zimfushane kakhulu ukuthi bangabe sebakhe ubudlelwano nezingane zabo.
Owe-SA Chamber of Commerce and Industry uPietman Roos uthe uma selulwa isikhathi somhlabakhefu komama abakhulelwe, ukuqasha abesifazane kungase kubonakale njengento engabeka abesifazane engcupheni yokungaqasheki.
"Ukwenza lokhu kungase kudale ukuthi abesifazane bangayitholi kalula imisebenzi,” esho.
Lokhu kulandela inkomfa yakamuva nalapho izinyunyana nalezi zinhlangano ziphakamise khona ukushayisana kwemithetho nemigomo ebekiwe uma kuvunyelwana ngokuthile.
Okunye okuvelile ukuthi abesifazane bazizwa bejeziselwa ukuthola izingane, kubika iphephandaba.
USihlalo weCosatu Gender Forum uSharone Daniels ucashunwe ethi: "Kubukeka sengathi umthetho okhona njengamanje waphasiswa ngaphandle kokucabangela abesifazane ezindaweni zokusebenza.
"Kulo mthetho kwakulindelwe ukuthi abesifazane bakhulelwe bese beba yizigqila emakhaya. Kumele kushintshwe izinto ngenxa yokucabangela abesifazane.”
Abaningi kule nkomfa bathi izinyanga ezine ezinikezwa omama abasanda kubeletha zimfushane kakhulu ukuthi bangabe sebakhe ubudlelwano nezingane zabo.
Owe-SA Chamber of Commerce and Industry uPietman Roos uthe uma selulwa isikhathi somhlabakhefu komama abakhulelwe, ukuqasha abesifazane kungase kubonakale njengento engabeka abesifazane engcupheni yokungaqasheki.
"Ukwenza lokhu kungase kudale ukuthi abesifazane bangayitholi kalula imisebenzi,” esho.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter
