Pretoria - Abasolwa abahlanu abangamavukela mbuso eBoeremag batholakale benecala lokwakha itulo lokubulala lowo owabe enguMengameli wezwe uNelson mandela.
Abangu-19 kubasolwa abangu-20 sebetholakale namacala okuzama ukuvukela uMbuso.
IJaji u-Eben Jordaan uthole ukuthi amalungu eBoeremag uHerman van Rooyen, Rudi Gouws, nezelamani uJohan, Kobus noWilhelm Pretorius bakhanda itulo lokubulala uMandela owabe ezoqhunyiswa ngebhomu emzini wakhe ngonyaka ka-2002 ngo-Okthoba.
Laba baphinde batholakala benecala lokubulala ngokungenhloso, bashayisa ngemoto uClaudia Mokone waseSoweto.
Abasolwa kuthiwa babekholwa wukuthi uma bebulala uMandela, abantu abamnyama bayothukuthela bahlasela abamhlophe bese ekugcineni bonke abamhlophe begcine beseka iBoeremag.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter
(@IzindabaNews24).
