UMajawonke Michael Mlaudzi, 21, utshele iNkantolo yesiFunda eNelspruit, wathi akasafuni ukubuyela esibedlela ekuhlolwa kuso ingqondo, iWeskoppies Psychiatric Hospital, kusho umbiko wentatheli yeSapa.
UMlaudzi, 21, waliphika icala lokudlwengula owesifazane oneminyaka engu-22 ubudala, waseSchoemansdal.
Selokhu agqunywa esitokisini ngelanga aboshwa ngalo eminyakeni emine edlule ngoFebhuwari 2, 2010.
Utshele inkantolo ukuthi akahlanyi futhi ufuna ukugwetshwa noma akhululwe.
"Ubani owathi angiye eWeskoppies? Angihlanyi futhi angiguli. Kubukeka sengathi alikho iqiniso lana ngoba njalo uma ngifika, ningitshela ngeWeskoppies. Kungani icala lingaqhubeki?" kubuza uMlaudzi.
IMantshi uWillie Wilkens uthe umshushisi uzokwenza konke okusemandleni akhe ukuqinisekisa ukuthi uMlaudzi uyakohlolwa ingqondo bese icala lakhe liphothulwa ngokushesha.
Icala lihlehliselwe uJuni 5.
Omunye osolwa ngokudlwengula, 47, akazange abuzwe ukuthi uyalivuma noma cha yini icala lokudlwengula ingane eneminyaka eyishumu ubudala ePienaar ngaseMbombela, kodwa naye utshelwe ukuba abuyele eWeskoppies ahlale khona kuze kube liyaqhubeka icala ngoJuni 5.
Waboshwa ngoMashi 28, 2012.
Kwelinye icala, umlisa oneminyaka engu-43 ubudala naye osolwa ngokudlwengula, ongakalivumu noma aliphike icala, utshelwe ukuba icala lizothethwa ngoJuni 5.
Yena waboshwa ngoJanuwari 1, 2012.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter (@IzindabaNews24).