Banikwe udilikajele ababulala umlimi nomndeni

Durban - Abalisa abathathu banikwe udilikajele yiNkantolo eNkulu eMgungundlovu ngoLwesithathu ngokubulala izithandani ezazingabalimi kanye nendodana yazo endala.

UZamokuhle Maduna, 19, Siphesihle Ngubane, 20, kanye nomfana oneminyaka engu-17 ubudala, bawavuma amacala okubulala.

Laba, esigwebeni sabo, baphinde bengezelwa ngeminye iminyaka engu-15 ngesihluku ababanaso ngesikhathi bephanga.

Babulala basebeshisa u-Ekard Schutte, 76, ngoMashi 1, ngokuhamba kwesikhathi babulala unkosikazi wakhe u-Elizabeth, 66, nendodana yabo uLutz eneminyaka engu-33 ubudala.

ULutz, obehlala eJalimane, wayefike kuleli ngenhloso yokuzogubha usukulu lokuzalwa lukababa wakhe.

Abameli babamangalelwa bebethemba ukuthi ngeke abamangalelwa banikwe udilikajele njengoba belivumile icala, kodwa iJaji uLouis Barnard akabonanga kanjalo ngoba uthi lesi sehlakalo sasihleliwe.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).