Johannesburg - Iqembu elibusayo i-African National Congress nalo seliwugxekile umdwebo kaZapiro okhishwe ephephandabeni iMail and Guardian lathi wehlisa isithunzi sikaMengameli uJacob Zuma.
Iqembu lithi umdwebo ubukela phansi uZuma nomndeni wakhe kanjalo nobuholi beqembu.
“Siyi-ANC sethukile ngomdwebo kaZapiro. Siwuthola ungemukelekile futhi wethusa. Kuyaxaka ukuthi iphephandaba iMail and Guardian lingafuna ukulokhu liqhubeka nokungcofa umengameli nomndeni wakhe kanjalo neqembu,” kusho isitatimende seqembu.
Iqembu lithe licela uZapiro kanjalo nephephandaba ukuthi baxolise kumengameli nakubona bonke abahlukunyezwe yisithombe
Uphiko lwabesifazane eqenjini nalo phambilini luzwakalise ukuwugxeka umdwebo lwathi uZapiro uphethwe ngukwedelela.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter
(@IzindabaNews24).
