Johannesburg – Amadoda amane asolwa ngokubulala u-Emmanuel Sithole, odabuka eMozambique, ngempelassonto kulindeleke ukuthi bavele eNkantolo yeMantshi yase-Alexandra ngoLwesibili.
Izithombe zikaSithole, 35, owagwazwa wase eshaywa emgwaqeni ose-Alexandra ngoMgqibelo, zashicilelwa yiphephandaba iSunday Times.
USithole washonela emotweni yentatheli ngaphandle kwesibhedlela esise-Edenvale.
OLUNYE UDABA: I-video: Kushaywa owokufika eGoli
Abasolwa abathathu baboshwe ngeSonto ngemuva kokuthi amaphoyisa ekhiphe umehlokaboni ka-R10 000, umsolwa wesine zimkhalele ngoMsombuluko ebusuku.
UDlamini uthe amaphoyisa asaphenya ukuthi ngabe ukubulawa kukaSithole kuhlobene yini nokuhlaselwa kwabokufika obekuqhubeka kuleli ngeledlule.
Ngokusho kukaDlamini, uSithole ubengumdayisi wasemgwaqeni obulawe ngemuva kwengxabano abe nayo nekhasimende.