Johannesburg - Amadoda amabili kulindeleke ukuba avele eNkantolo yeMantshi yaseSasolburg, eFree State, mayelana nokunyamalala kwezingane ezimbili zabafana eDeneysville, kusho umbiko.
Lezi zingane ezineminyaka eyisikhombisa ubudala zaduka ngoMgqibelo, kubika izindaba ze-SABC.
Isidumbu sikaNthako Thiti, sitholakale eVaal Dam ngoMsombuluko.
Kuyaqhubeka ukuthungathwa kukaBongani Mosia, naye okukholakala ukuthi uzotholakala eseyisidumbu.
Lezi zingane zagcina ukubonakala zidlala emgwaqeni kuleli lokishi ngoMgqibelo ntambama.
Kuthiwa ngesikhathi zigcina ukubonakala zazihamba nowesilisa owaziwa ngelikaMolefe.
Kodwa kwathi uMolefe esebuzwa ngalezi zingane, wathi yena akazi lutho.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter